Os socialistas alertan de que a Xunta non promove vivenda pública na provincia e mantén sen executar os fondos destinados a atender a demanda crecente en Lugo
Lugo, 25 de novembro de 2025. O PSdeG-PSOE na provincia de Lugo denuncia que os senadores do PP lucense “volvan cargar contra o Goberno de España para agochar a década perdida da Xunta en materia de vivenda”. Os socialistas consideran “indecente” que o Partido Popular tente atribuír ao Executivo central unha problemática que é consecuencia directa da falta de política pública por parte do Goberno galego.
Desde o PSdeG provincial subliñan que a situación da vivenda na provincia de Lugo é cada vez máis crítica debido á falta de investimentos e planificación da Xunta. Lembran que Galicia acumula preto de medio millón de vivendas baleiras, arredor do 30% do parque residencial. “A situación é tan absurda como preocupante: temos centos de miles de vivendas baleiras mentres máis de 22.000 galegos e galegas están inscritos no rexistro oficial buscando unha vivenda pública, unha cifra que non deixou de medrar nos últimos meses”, advirten.
Neste sentido, sosteñen que a explicación desta crise non está en Madrid, senón en Santiago. En anos recentes, a Xunta non chegou nin a executar a cuarta parte do orzamento destinado a vivenda en Galicia e, nalgúns exercicios, o gasto real “nin sequera alcanzou o 10% nos primeiros nove meses”. “É imposible ampliar parque público se a Xunta deixa sen gastar os fondos que ela mesma aproba. Esta é a realidade que o PP tenta tapar con ataques a Pedro Sánchez: non executan, non planifican e non impulsan vivenda pública desde hai máis dunha década”, denuncian.
Sobre a afirmación de que o Goberno de España non subvencionou “de forma directa” vivenda pública en Lugo, os socialistas alertan de que “o PP manipula para crear un relato falso”. Subliñan que a competencia na promoción pública de vivenda é fundamentalmente autonómica e que “non se pode culpar ao Executivo Central do que a Xunta non fai en Lugo”. “O PP pretende instalar a idea de que aquí non se constrúe vivenda porque non quere o Goberno de España, cando o certo é que o Executivo galego leva dez anos sen impulsar un só plan ambicioso de vivenda pública na provincia”, engaden.
O PSdeG lembra que, a semana pasada, xa advertira de que a Mariña quedara excluída das 4.000 vivendas públicas anunciadas por Alfonso Rueda para 2026, malia tratarse dunha das comarcas con maior demanda e con listas cada vez máis amplas de solicitantes de vivenda protexida. “É incomprensible e profundamente inxusto que unha comarca afectada pola caída industrial, polo descenso demográfico e pola falta de oportunidades quede fóra outra vez”, apuntan. Engaden que resulta “especialmente escandaloso” que o PP acuse ao Goberno de España de non investir en Lugo cando “é a propia Xunta quen deixa totalmente abandonada unha das zonas con maiores necesidades da provincia como é a Mariña lucense”.
Ademais, subliñan que “onde hai gobernos socialistas si hai respostas en materia de vivenda”, poñendo como exemplo o novo Plan Municipal de Vivenda de Lugo presentado recentemente polo alcalde Miguel Fernández. Un proxecto que aposta por mobilizar vivenda baleira mediante unha Bolsa Municipal de Alugueiro Asequible, aplicar recargos no IBI ás vivendas baleiras de grandes propietarios, limitar o uso de pisos turísticos para protexer o mercado residencial e ampliar o parque público a través de novas promocións e rehabilitacións. “Mentres a Xunta leva anos sen actuar, o Concello de Lugo dá un paso firme cara a unha cidade máis xusta, máis accesible e con máis oportunidades reais de acceso á vivenda para a súa veciñanza”, destacan.
Na mesma liña, desde o PSdeG-PSOE provincial reivindican o modelo proposto por José Ramón Gómez Besteiro para Galicia, centrado en impulsar novas promocións públicas para aumentar o parque dispoñible, mobilizar a vivenda baleira a través dun banco público de alugueiro, intervir nas zonas tensionadas para conter prezos e reorientar os fondos europeos sen executar cara actuacións con impacto inmediato.
“Quen acusa ao Goberno de España de desatender á provincia é o mesmo partido que, desde a Xunta, leva anos sen ofrecer ningunha resposta ás necesidades reais de Lugo en materia de vivenda”. Para os socialistas, as declaracións do PP “carecen de toda credibilidade” porque “os feitos demostran que quen falla sistematicamente a esta provincia é o Goberno galego do PP, non Madrid”, conclúen.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
