Trabada, 27 de novembro de 2025. O pleno do Concello de Trabada aprobou hoxe os orzamentos correspondentes ao exercicio 2026, que acadan unha cifra histórica no municipio: 2.051.341,61 euros, sendo a primeira vez que Trabada supera a barreira dos dous millóns. Trátase duns orzamentos “ambiciosos, realistas e centrados no coidado das persoas”, tal e como destacou o alcalde, Rubén García.
Aposta decidida polos servizos sociais e o Centro de Maiores
Un dos piares fundamentais das contas municipais é o investimento en políticas sociais. O Concello destina 604.499,08 euros, o que supón o 30 % do total do orzamento, tanto aos servizos sociais como ao funcionamento e mellora do Centro de Maiores.
O alcalde salientou que “estes orzamentos reflicten claramente o modelo de traballo do goberno municipal: poñer ás persoas no centro, garantir servizos públicos de calidade e asegurar que os nosos maiores dispoñan da atención que merecen”.
Reforzo do tecido asociativo
O orzamento municipal tamén contempla unha partida de 26.800 euros destinada directamente ao tecido asociativo, co obxectivo de apoiar a actividade das asociacións, clubs e comisións de festas.
Ademais desta achega directa, o Concello destaca que nas contas reflíctese tamén “todo o labor de colaboración continuada” coas entidades culturais, deportivas e festivas para facer posible unha programación amplia durante todo o ano.
“O compromiso do Concello co tecido asociativo é absoluto. É fundamental que as asociacións sintan o apoio das institucións para seguir dinamizando a vida social, cultural e deportiva de Trabada”, subliñou García.
Investimentos: case medio millón de euros en proxectos municipais
O capítulo de investimentos ascende en 2026 a 467.759,42 euros, preto de medio millón destinado a melloras en infraestruturas, servizos públicos e equipamentos en todas as parroquias do municipio.
O alcalde lembrou que o Concello continuará a súa liña de traballo dos últimos anos: “seguiremos solicitando todas as subvencións ás que poidamos optar e reclamando financiamento ás distintas administracións —Xunta, Deputación e Goberno central— para levar adiante novos proxectos que melloren o día a día da nosa veciñanza”.
Un compromiso claro coa mellora continua do municipio
Rubén García concluíu que “estes orzamentos históricos non son só unha cifra récord, senón unha mostra clara do noso compromiso co progreso de Trabada. Son contas centradas nas persoas, nos coidados, na mellora continua dos servizos e na dinamización social de todas as parroquias”.
O alcalde asegurou que o equipo de goberno seguirá traballando “ para seguir mellorando o noso pobo e ofrecer máis e mellores oportunidades aos veciños e veciñas de Trabada”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
