Ribadeo, 27 de novembro de 2025. Pista de xeo, Ribaxogo ou musicais son algunhas das propostas de Ribadeo para este Nadal. A programación foi presentada hoxe.
A concelleira de Cultura, Begoña Sanjurjo, contou que “a programación do Nadal 2025 en Ribadeo inclúe moitas citas culturais. Ribadeo canta ó Nadal este venres despois do acendido do alumeado navideño. Teremos Noite de Góspel co grupo africano Aba Taano, o día 5 no auditorio, Festival de Nadal da EMMeD o día 13, concerto de Panxoliñas con varias corais o 21 na igrexa parroquial e da Banda Municipal de Música de Ribadeo no auditorio o 27”.
A edil ribadense seguiu a contar: “gozaremos dun concerto a dúo de Ughía Pedreira o 28 dentro da programación Nadal en Rede da Xunta de Galicia E non podían faltar actividades para a picaraxada: teatro familiar con Trécola teatro o 14 ás 17:00, contacontos na biblioteca o 19, maxia o 20 no auditorio e dous musicais: Aladdin e Mago de Oz o 4 e o 10 de xaneiro no auditorio”.
A concelleira de Comercio e Turismo, Marta Saiz, declarou: “damos a benvida ao Nadal: un tempo entrañable, de familia, de amigos, de xuntanzas. E chega cargado de actividades para todos os públicos. Mañá, venres, será a inauguración do alumeado ás sete da tarde dende o cruce das Cuatro Calles, ao mesmo tempo que abre o xa tradicional Mercado do Nadal no Parque de San Francisco”.
Saiz subliñou que “un ano máis contaremos coa pista de xeo e Ribaxogo xunto con actividades culturais, musicais, gastronómicas, … que darán a Ribadeo un dinamismo comercial que seguro aportará un impacto económico moi importante para o sector” E engadiu: “por suposto, hai que agradecer ás entidades asociativas a súa participación e desexarlles a veciños e visitantes que disfruten destas datas: do comercio, da hostalería e de todas as actividades que Ribadeo ofrece”.
No acto de presentación da programación de Nadal participaron o alcalde, Dani Vega, as concelleiras e concelleiros Begoña Sanjurjo, Marta Saiz, Elena Sierra, Francisco José Silvent e Diego dos Santos, así como a presidenta e o xerente de Acisa, Carmen Cruzado e Jesús Pérez.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
