Ribadeo, 15 de decembro de 2025. . Ribadeo contará con seis vivenda públicas nas rúas Bispo Veres e Trinidade. O investimento superará os 2 millóns de euros.
O alcalde, Dani Vega, declarou: “vivenda pública en Ribadeo, concretamente no casco histórico, en Bispo Veres dous inmobles, catro vivendas, inversión 1,6 millóns de euros. Rúa Trinidade, dúas vivendas, 500.000 euros de inversión. Son un total de 6 vivendas”.
Para o rexedor o obxectivo é claro: “vivenda pública e rehabilitar o casco histórico. Seguir nese empeño e nese traballo constante e continuo de coidar e conservar o casco histórico de Ribadeo”.
Vega subliñou que “hoxe apróbase no Consello da Xunta, licítase para que as empresas se presenten e así empezar xa os traballos de rehabilitación. Isto vai agora máis rápido para contar canto antes con esas 6 vivendas e destinalas a vivenda pública”.
O alcalde dixo: “trátase dunha moi boa noticia. Nos vindeiros días tamén nos visitará a conselleira para ver a zona e os inmobles. Nesta liña imos seguir porque o obxectivo tanto da Xunta de Galicia como deste Concello é construír vivenda pública, pero en Ribadeo hai un engadido todas aquelas casas que sexan de titularidade pública traducilas en vivenda”.
Dani Vega engadiu: “construír e rehabilitar no casco histórico e traducilo en vivenda pública é un obxectivo claro do Concello e da Xunta. Agradezo o traballo dos técnicos. Toda esta tramitación foi farragosa, os técnicos do Concello e da Xunta colaboraron e traballaron conxuntamente e así se traduce nun beneficio directo para Ribadeo. E tamén agradecerlles á conselleira e ao presidente todo o seu empeño por construír vivenda pública tamén en Ribadeo, tamén na Mariña”
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
