Antonio Ameijide cualifica a actitude dos nacionalistas de “cinismo absoluto” recordando como “a súa permanencia no goberno provincial é dunha hipocrisía difícil de xustificar porque se queren demostrar un compromiso firme coas vítimas, o que deberían facer é romper o goberno de inmediato para forzar unha saída inmediata dun presidente e deputado acusado de acoso sexual”
Lugo, 15 de decembro de 2025. Cando está a piques de cumprirse unha semana desde que estalou o escándalo dos presuntos casos de acoso sexual por parte de José Tomé, na Deputación de Lugo todo segue igual, pese á gravidade dos feitos coñecidos.
O voceiro provincial popular, Antonio Ameijide, explica que “non houbo ningunha dimisión real, ningún cese e, o máis preocupante, ningunha explicación pública”.
Antonio Ameijide recorda que, co paso dos días e coas declaracións que están a realizar varios dos supostos encubridores do caso, “cada vez resulta máis evidente que o sucedido era coñecido dentro do PSOE, tanto a nivel provincial como autonómico e ninguén asume responsabilidades, pese á gravidade dos feitos”.
Antonio Ameijide denuncia que na Deputación de Lugo “hai un silencio preocupante”, unha situación que “non debería de darse xa que dende o primeiro minuto habería que dar as explicacións oportunas, porque a realidade é que cada día están a danar máis a imaxe da institución”.
Nesta situación, unha das supostas encubridoras, Pilar García Porto continúa sen dar explicacións. José Tomé continúa exercendo como presidente, como se nada tivese pasado, “pretendendo normalizar unha situación insostible, mantendo a dirección institucional nos mesmos despachos e permitindo que todo siga igual, con el manexando os fíos desde atrás como deputado non adscrito”. Como exemplo, presidir a xunta de goberno provincial o pasado venres.
“CINISMO DO BNG”
Antonio Ameijide tamén fai fincapé na actitude do BNG, que cualificou “dun cinismo absoluto”. “Mentres esixen a dimisión de José Tomé e este segue a demorala, mantéñense no goberno xunto a un presunto acosar e xunto a unha presunta encubridora dos casos”, denunciou.
Neste senso, o voceiro popular explica que “a súa permanencia no goberno da Deputación representa unha hipocrisía política difícil de xustificar. Se realmente queren demostrar un compromiso firme coas vítimas, o que deberían facer é romper o goberno de inmediato”.
Ameijide recorda que “o BNG segue a ser o cómplice necesario para o PSOE” e ante esta grave crise que se viven dentro do goberno provincial o voceiro popular pregunta: “van facer algo ou van permitir que José Tomé siga presidindo a Deputación? Van continuar formando parte dun goberno sustentado cos votos dun presunto acosador e compartindo mesa con quen, presuntamente, mirou para outro lado?”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
