Balseiro denuncia que “a pesar das reiteradas promesas do Goberno de Sánchez, grandes áreas da provincia de Lugo continúan sen cobertura de telefonía móbil nin acceso a fibra óptica, unha situación que lastra o desenvolvemento laboral, educativo e económico de veciños e empresas”
Lugo, 16 de decembro de 2025. O senador do PP lucense José Manuel Balseiro defenderá este mércores na Comisión de Transformación Dixital unha iniciativa para instar ao Goberno de Sánchez a garantir o despregamento de infraestruturas de telecomunicacións en todo o territorio, con especial atención ás zonas rurais da provincia de Lugo.
A proposta dos populares ten como obxectivo combater a fenda dixital, reforzar a cohesión social e territorial e asegurar que a conectividade chegue a toda a cidadanía, viva onde viva.
En concreto, a iniciativa do Grupo Popular reclama ao Goberno que garanta o despregamento de infraestruturas de telecomunicacións nos municipios que o necesiten, ofrecendo o apoio necesario para que os beneficios destas redes alcancen a toda a poboación. Así mesmo, insta a avanzar no despregamento da fibra óptica en todo o territorio, ao considerala unha vantaxe competitiva para España, e a impulsar a extensión das redes de telefonía móbil e de tecnoloxía 5G, con especial atención ao ámbito rural.
De maneira específica, a proposta esixe garantir o acceso a telefonía móbil e fibra óptica na totalidade da provincia de Lugo, así como outros servizos de conectividade que permitan superar a actual situación de “sombra” ou “apagamento dixital” que sofren numerosos municipios rurais e mesmo o acceso por autovía á capital lucense.
O popular denuncia que “a pesar das reiteradas promesas do Goberno de Sánchez, grandes áreas da provincia de Lugo continúan sen cobertura de telefonía móbil nin acceso a fibra óptica, unha situación que lastra o desenvolvemento laboral, educativo e económico de veciños e empresas”.
“A conectividade é hoxe un servizo básico imprescindible. Non se pode falar de igualdade de oportunidades nin de loita contra o despoboamento mentres haxa territorios enteiros sen acceso real a internet ou á telefonía móbil”, subliña Balseiro.
Desde o PP lembran ademais o paradoxo de que, mentres o Goberno presume de pechar a fenda dixital e xestiona importantes fondos europeos destinados a conectividade, moitas zonas seguen excluídas pola renuncia de adxudicatarios ou pola falta de impulso efectivo da administración estatal.
Municipios da Montaña lucense ou parroquias como A Senra, Trasbar e Castelo, no concello de Cervo, son algúns exemplos desta situación, que non só afecta ao rural; senón tamén a infraestruturas estratéxicas como o acceso por autovía á cidade de Lugo.
Por todo iso, o Grupo Popular reclama un compromiso real e efectivo do Goberno de España para garantir a conectividade dixital en todo o territorio e acabar dunha vez co apagamento dixital que aínda sofren demasiados cidadáns.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
