Viveiro, 16 de decembro, 2025. O grupo municipal do BNG de Viveiro vén de solicitar no pleno ordinario do mes de decembro que os orzamentos municipais de 2026 sexan presentados antes do 31 de decembro, co obxectivo de garantir a súa aprobación en tempo e forma e evitar unha nova prórroga orzamentaria.
Tras esta iniciativa, os concelleiros Iria Cotelo, Juan Ramón Martínez e Seve Salgueiro mantiveron unha reunión coa actual equipa de goberno, na que se lles presentou, sen entrar en excesivo detalle, “un orzamento continuista, con axustes obrigados, que non contempla avances reais nas promesas realizadas polo Partido Popular ao acceder ao goberno”, segundo explicou a portavoz municipal do BNG, Iria Cotelo.
“Estamos diante dun calco de orzamentos anteriores, sen avances na consignación comprometida pola Xunta para o Conservatorio, sen investimentos nas redes de saneamento e abastecemento, sen a anunciada reforma da praza de abastos nin medidas reais para fomentar o emprendemento e a captación de empresas. Nada do prometido”, denunciou Cotelo.
Desde o BNG demándase tamén que os orzamentos recollan un incremento nas partidas destinadas ás subvencións para asociacións e clubes, garantindo que ningunha entidade con actividade quede excluída, como ocorreu nos orzamentos de 2025, un dos motivos que levou ao BNG a optar pola abstención naquela ocasión. Así mesmo, a formación nacionalista considera imprescindible que se pechen os convenios prometidos coa Xunta de Galiza. “Non é de recibo que, tras acceder ao goberno en marzo co suposto respaldo da Xunta, nin hai convenios, nin existe para eles ningunha reserva orzamentaria por parte do Concello. Houbo tempo máis que suficiente para contar con proxectos avanzados ou pechados”, sinalan.
Na citada reunión, o goberno municipal solicitou tamén ao BNG o apoio da Vicepresidencia da Deputación. A este respecto, desde o BNG lembran que “o apoio a Viveiro por parte da Vicepresidencia é máximo, con colaboracións xa establecidas con diversas entidades do municipio”. Porén, engaden que para poder colaborar directamente co Concello “é imprescindible que o goberno municipal presente proxectos definidos, algo que até o momento non se produciu”.
Con todo, desde o BNG apelan á responsabilidade do goberno municipal para presentar os orzamentos antes de que remate o ano. “A pesar de non seren os nosos orzamentos, agardaremos a ver os definitivos, mais o noso propósito é o beneficio para a veciñanza e para Viveiro, polo que continuaremos sen poñer paus nas rodas. A cidadanía xa sufriu abondo o que é ter uns orzamentos prorrogados debido á actitude irresponsable do Partido Popular e de Por Viveiro, que bloquearon anteriormente os orzamentos, sen ningún tipo de fundamento e unicamente motivados por unha cuestión de protagonismo político”.
A variante e a fachada marítima: máis promesas sen avances
Outras inversións estratéxicas anunciadas polo Partido Popular e que, a día de hoxe, quedaron en simples promesas incumpridas son a licitación en 2025 da variante que conectaría coa VAC Costa Norte e a anunciada humanización da fachada marítima.
“Estamos diante dun Partido Popular incapaz de cumprir e xestionar aquilo que promete. A licitación da variante non se levou a cabo; o PP volveu votar no Parlamento galego en contra das emendas presentadas polo BNG para a VAC Costa Norte; e a Xunta limitouse a anunciar unha achega de apenas 200.000 euros para a humanización da fachada marítima, unha cantidade que apenas dará para asfaltar o aparcadoiro do muelle, executado en tan mal estado e do que a propia Xunta ten a titularidade sen realizar un mantemento axeitado”, denuncia a portavoz municipal do BNG, Iria Cotelo, e engade que “cada día que pasa resulta máis evidente que o BNG é a única formación política con proxectos serios e capacidade real de xestión para Viveiro”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
