O voceiro popular critica a complicidade do BNG que “segue sen dicir se van a negociar a formación do novo goberno da Deputación cun presunto acosador sexual e cunha das persoas que o encubriu”
Lugo, 17 de decembro de 2025. Trala emisión nun programa de televisión de novas probas sobre os casos de presunto acoso sexual por parte de José Tomé a varias mulleres e de que altos cargos do PSOE coñecían destas denuncias e non fixeron nada, dende o Grupo Provincial Popular amosan a súa “total preocupación polas novas informacións e evidencias” mentres “no partido socialista seguen a agocharse e non dar as explicacións necesarias”.
O voceiro provincial popular, Antonio Ameijide, afirma que ante a gravidade das informacións coñecidas “é inaceptable o silencio mantido pola secretaria de organización do PSOE lucense, deputada provincial e alcaldesa de Antas de Ulla, Pilar García Porto, que continúa agochada e sen dar explicacións públicas”.
Neste senso, Ameijide esixe que “Pilar García Porto debe saír de inmediato a explicar por que gardou silencio durante todo este tempo ante uns feitos tan graves” para, unha vez feitas públicas as explicacións, “asumir responsabilidades e presentar a súa dimisión”.
“Todos merecemos explicacións claras e, sobre todo, por que tapou todo e non achegou á vítima a axuda e protección que precisaba. O silencio non é unha opción cando están en xogo a dignidade das persoas, a exemplaridade das institucións e a confianza da veciñanza na política”, afirmou.
“SILENCIO DO BNG”
Antonio Ameijide tamén denuncia “o silencio cómplice do BNG”, que segue sen aclarar se está disposto a negociar e a chegar a acordos cun presunto acosador e cunha das persoas que o encubriu. “O BNG debe de ser claro e dicir se vai antepoñer os seus intereses políticos e a vicepresidencia da Deputación, á defensa das vítimas e aos principios éticos que di defender”, sinalou.
O voceiro popular amosouse contundente coa actitude dos tres deputados nacionalistas: “ou se está coas vítimas e coa transparencia ou se está do lado de quen cala, encubre e mira para outro lado, poñendo por diante de todo o sillón e pisar moqueta”.
Antonio Ameijide afirma que “non deixaremos de esixir explicacións, responsabilidades políticas e un posicionamento claro por parte de todas as forzas políticas”, ao que engadiu que “Lugo e a Deputación non poden seguir a danar a súa imaxe desta forma”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
