Reclaman a actualización do catálogo de postos de traballo, o reforzo do servizo polo verán e a corrección das deficiencias, mellores instalacións e o fin da dotación de medios obsoletos
Lugo, 20 de decembro de 2025. Os senadores pola provincia de Lugo José Manuel Barreiro, José Manuel Balseiro e Juan Serrano rexistraron no Senado unha batería de iniciativas dirixidas ao Goberno de España para esixir explicacións e solucións ante a situación de precariedade na que se atopa a Garda Civil na provincia con prazas vacantes, un catálogo de postos que está sen actualizar dende o 2012, ausencia de reforzo durante o verán e unha carencia xeneralizada de medios.
As iniciativas trasladan directamente as demandas e preocupacións expostas por representantes das asociacións profesionais de gardas civís que operan no territorio lucense (Asociación Española de Guardias Civiles – AUGC) durante unha reunión cos representantes do PP por Lugo no Senado que destacaron a importancia deste corpo de seguridade “básico para o rural”.
Segundo advirten estes colectivos, os catálogos de postos de traballo non foron revisados desde o ano 2012, a pesar do incremento de funcións asumidas polos axentes, especialmente tras a creación de novas unidades como VioGén, dedicada á loita contra a violencia de xénero, ou as especialidades vinculadas á ciberdelincuencia.
A situación resulta especialmente preocupante en comarcas como a da Mariña lucense, onde as asociacións de gardas civís veñen alertando dunha escaseza crónica de medios e efectivos. Os senadores lucenses poñen o foco no feito de que, das 29 vacantes ofertadas recentemente polo Ministerio do Interior na provincia de Lugo, só unha se asignou a esta comarca. Así mesmo, lembran que a poboación se incrementa de forma notable durante o verán, o Nadal e os períodos vacacionais na comarca sen que se envíen reforzos da Garda Civil como se producía en anos anteriores.
Así, os senadores populares solicitan ao Goberno de Sánchez que detalle cal é o catálogo de postos de traballo existente nos distintos cuarteis da Garda Civil da provincia e cantas desas prazas están vacantes na actualidade, alertando de que a falta de persoal compromete seriamente a capacidade operativa do corpo. E tamén se contempla reforzar os cuarteis nas épocas de maior afluencia de visitantes, como o próximo verán.
CARENCIAS ESTRUTURAIS
Ademais, a Garda Civil na provincia de Lugo sofre desde hai anos importantes carencias estruturais que afectan de maneira directa ao servizo que se presta á cidadanía. Entre os problemas sinalados figuran o uso de vehículos antigos e en mal estado, a falta de material policial adecuado, a limitación de efectivos, infraestruturas obsoletas e a ausencia de quendas de traballo debidamente estruturadas.
Ante esta situación, os senadores lucenses preguntan ao Executivo que medidas concretas ten previsto adoptar para corrixir estas deficiencias e mellorar as condicións de traballo dos axentes, así como para garantir unha resposta eficaz ante emerxencias, a prevención de delitos e a adecuada atención cidadá no conxunto da provincia.
Os senadores de Lugo subliñan que estas preguntas responden o compromiso de defender a seguridade cidadá, o equilibrio territorial e unhas condicións de traballo dignas para os profesionais da Garda Civil, especialmente nunha provincia extensa e dispersa como a de Lugo, “onde o seu papel resulta esencial”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
