A alcaldesa, Dolores García Caramés, foi a encargada de entregar as notificacións ás persoas beneficiarias, un total de 35 estudantes
Cervo, decembro do 2025. O Concello de Cervo vén de facer efectiva unha nova convocatoria das axudas ao transporte destinadas ao alumnado que se forma fóra do termo municipal en ensinanzas que non se imparten no propio concello.
A alcaldesa, Dolores García Caramés, foi a encargada de entregarlle as notificacións ás persoas beneficiarias na Casa da Cultura, un total de 35 estudantes, que percibirán unha achega económica de 150 ou 250 euros, segundo os ingresos da unidade familiar.
A rexedora explicou que esta iniciativa “responde á vontade do Concello de acompañar ás familias cervenses durante o proceso formativo dos seus fillos e fillas” Engadiu tamén que “o investimento realízase con cargo exclusivo aos fondos municipais, reafirmando o compromiso coa educación como eixo fundamental do desenvolvemento persoal e profesional da mocidade”.
Desde o goberno local incídese en que estas axudas buscan garantir a igualdade de oportunidades, evitando que factores económicos ou de mobilidade condicionen a continuidade dos estudos.
O programa está dirixido a alumnado menor de 30 anos, empadroado no Concello de Cervo, e ten en conta a situación económica da unidade familiar. Inclúe estudos universitarios, ensinanzas musicais, Bacharelato en modalidades non dispoñibles no municipio, ciclos de Formación Profesional de grao medio e superior, ensinanzas profesionais de artes plásticas e deseño, así como ensinanzas deportivas.
Con esta medida, o Concello de Cervo mantén a súa liña de apoio continuado á educación, apostando por facilitar o acceso á formación en igualdade de condicións para toda a súa veciñanza máis nova.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
