Os equipos traballan sen interrupción dende a madrugada, con intervencións que se centran en despexar a neve da vía, rescates de vehículos atrapados e a retirada do arboredo caído. A previsión é recuperar a maior parte da rede viaria provincial ao longo da mañá deste luns
Lugo, 22 de decembro de 2025. A Deputación de Lugo reforzou nas últimas horas o seu dispositivo especial de vialidade invernal para garantir a seguridade e a circulación nas estradas provinciais, tras un episodio de nevadas xeneralizadas que afectou practicamente a toda a provincia, con especial incidencia en zonas de media e alta montaña debido ás baixas cotas de neve, situadas arredor dos 600 metros.
O operativo provincial leva traballando de xeito continuado dende as 7.00 horas deste domingo, interrompendo a súa actividade ás 21.00 horas e retomándoa novamente ás 3.00 da madrugada para atender unha emerxencia na LU-P-4504, onde foi necesario rescatar un vehículo atrapado pola neve no que viaxaban menores de idade. Dende ese momento, os equipos continúan traballando sen interrupción para despexar as vías e garantir a súa seguridade.
Este mesmo domingo, a institución provincial reforzou o dispositivo inicial, que actualmente conta cun total de 16 máquinas quitaneves, 16 vehículos de apoio e 64 operarios, tras a incorporación de 16 efectivos máis, e a ampliación dos medios materiais con 8 vehículos adicionais dotados de equipamento específico para a retirada de árbores e pólas, co obxectivo de facilitar o paso das quitaneves e acelerar a reapertura das estradas.
As tarefas céntranse especialmente nos concellos situados a maior altitude, aínda que a neve obrigou a actuar tamén en vías do cinto comarcal, como a LU-P-1611, ao seu paso polo municipio de Castroverde. As únicas comarcas que non se viron afectadas de maneira significativa por este episodio foron A Mariña e A Ribeira Sacra.
Máis de 30 vehículos retirados
Nas últimas horas, os efectivos do dispositivo provincial tiveron que auxiliar e retirar da calzada arredor de 30 vehículos, tanto de persoas que non podían acceder ás súas vivendas como de condutores que se desprazaron á zona da Montaña atraídos pola presenza de neve. A Deputación de Lugo fai un chamamento á responsabilidade nos desprazamentos, co fin de non dificultar os traballos de limpeza e garantir a seguridade viaria.
Ademais da acumulación de neve, os equipos están a facer fronte á caída de arboredo e pólas debido ao forte peso da neve nas copas das árbores. No concello do Incio, por exemplo, a caída de árbores afecta a varias estradas provinciais, polo que se prevé que os labores de limpeza se prolonguen durante algunhas horas máis ata poder restablecer completamente a circulación.
Noutro punto da rede viaria, na LU-P-5713, que conecta Sarria con Piñeira, foi necesario intervir tras o desprendemento parcial da fachada dun edificio, que provocou a caída de cascallos sobre a estradas, obrigando a realizar tarefas de limpeza da vía.
Os traballos continuarán ao longo da mañá, coa previsión de que a maior parte da rede de estradas provinciais poida quedar aberta ao tráfico cara ao mediodía, sempre en función da evolución das condicións meteorolóxicas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
