Foz, 20 de xaneiro de 2026. A concelleira de Cultura, Inés López Couto, pídelle a Javier Castiñeira e ao PP que se centren e non manchen o bo nome do Entroido da localidade.
“Resulta absolutamente deleznable que a Castiñeira non lle importe o máis mínimo manchar o bo nome do Carnaval de Foz. O ano pasado falaba da ubicación da carpa e auguraba catástrofes, este ano critica as bases para a reserva da cea de coroación -idéntica á de anos anteriores, pero máis cómoda a través dun formulario web-. No seu escrito Castiñeira pide que superemos o aforo permitido e isto si que nos parece gravísimo. Un ano di que hai demasiada xente e outro o contrario. Non entendo como un ex alcalde se presta a este xogo, reclamando unha comisión de festas cando a vilipendiou do xeito máis despreciable en anos anteriores. Deberíamos remar todos xuntos para que o Entroido de Foz continúe a ser un auténtico éxito”, manifesta Inés López Couto.
A concelleira de Cultura engade: “a Castiñeira tocoulle a semana das ocorrencias. Votou en pleno en contra de comprar o solar da Sareb para construír pisos de alugueiro social, bloqueando a iniciativa de goberno, e quixo darlle a volta á tortilla en prensa. Como non lle saíu ben porque os veciños saben de sobra o que hai, intenta manchar o bo nome do Entroido de Foz, unha vez máis. O que está claro é que Foz non lle importa absolutamente nada”.
“O éxito do Carnaval de Foz é unha auténtica realidade. Cando chegamos ao goberno había menos de mil comensais na cea de coroación e tiñamos que agardar longas colas desde as 5 da mañá para reservar un ticket de entrada. Agora hai un aforo de 1.450 comensais e plan de seguridade, controis en todos os accesos e coordinación. O señor Castiñeira nunca suxeriu modificar as bases para a reserva, que continúan sendo por orde de chegada, do mesmo xeito que cando el gobernaba”, explica López Couto, que tamén comenta: “ano tras ano seguimos mellorando. Implantamos a gala de elección, conseguimos un gran logro colectivo no ano 2023 coa declaración como Festa de Interese Turístico Galego, avanzamos notablemente na seguridade da carpa e o Fozódromo -gradas do peirao- xa é parte indisociable do Carnaval de Foz. Respecto a cambios para vindeiros anos, admitimos propostas que sempre serán tratadas nas reunións periódicas que mantemos cos grupos de Carnaval, como sempre fixemos”.
“Nos próximos días imos comunicar ás persoas que están en agarda a dispoñibilidade en función das renuncias de última hora. Lamentamos que xente que queira acudir se teña que quedar fóra por cuestión de aforo, pero sempre imos facer prevalecer a seguridade fronte a calquera outro aspecto”, remata a concelleira de Cultura.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
