As persoas traballadoras alertan da ausencia física de xestión e o uso de métodos manuais perigosos para compensar a falta de mantemento básico
Mondoñedo, 6 de febreiro, 2026. Persoal e familiares da residencia de maiores de Mondoñedo, xestionada por Mensajeros de la Paz, denuncian unha situación de “desleixo absoluto” que, segundo afirman, pon en risco a seguridade física das persoas residentes e das traballadoras. A falta de mantemento e a ausencia dunha xestión eficaz terían convertido o centro nun espazo que non cumpre cos estándares mínimos de habitabilidade, alerta CCOO.
A situación máis grave afecta ás subministracións básicas: hai baños sen iluminación e cuartos sen auga quente, obrigando as persoas usuarias a vivir en condicións que consideran indignas.
Un dos ascensores principais permanece precintado tras un ano de filtracións de auga sen reparar. O peche produciuse ante o risco de electrocución, pero lonxe de resolver o problema, xerou un colapso organizativo no centro.
Para suplir a falta deste ascensor, residentes do segundo andar foron trasladados a unha zona do edificio pechada pola Xunta por non cumprir a normativa, o que provocou masificación e incumprimento das condicións autorizadas.
O persoal tamén denuncia un sobreesforzo físico extremo: a lavandería, situada no soto, quedou illada, polo que deben mover carros de roupa polas escaleiras. Ademais, o guindastre de bipedestación debe cargarse manualmente entre plantas, e cando non é posible, as mobilizacións realízanse sen asistencia técnica, incrementando o risco de lesións e caídas.
O único ascensor operativo presenta oxidación avanzada e unhas dimensións que impiden o uso de moitas cadeiras de rodas, limitando a mobilidade das persoas residentes.
As traballadoras atribúen esta situación á desidia da xerencia, que —aseguran— apenas aparece polo centro, e á falta de resposta da entidade xestora ante as advertencias de seguridade. Reclaman a intervención inmediata das autoridades competentes para garantir o cumprimento da lei de dependencia e os dereitos básicos das persoas maiores.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
