Viveiro, 24 de febreiro, 2026. Dende o xoves día 26 ata o sábado 28 de febreiro, preto de trinta negocios participantes liquidarán todo o stock de tempada con descontos incribles, chegando nalgúns casos ata o 70%. O obxectivo é converter o final da tempada de rebaixas nunha auténtica festa conxunta: haberá superdescontos, música, premios, bo ambiente e gastronomía.
Coincidindo con esta campaña, oito locais de hostalaría levarán a cabo a “Ruta da Croqueta”. A fin de semana converterase así nunha festa das compras, con fantásticos descontos en miles de artigos, e ao mesmo tempo nunha oportunidade para desfrutar dunha das delicias da gastronomía: as croquetas.
Se o tempo acompaña, parte dos negocios participantes sacarán os artigos á rúa, colocándoos diante das súas fachadas para que o público poida ver directamente os produtos e os descontos dispoñibles. A gran variedade de tendas que se suman á campaña convértea nun forte reclamo para a clientela, que poderá atopar verdadeiras gangas en artigos de calidade e primeiras marcas. Participan establecementos de moda, calzado, complementos, infantil, deportes, lencería e mercería, xoiería, mobles e decoración, salóns de peiteado e ópticas.
Será unha oportunidade única para mercar artigos de primeiras marcas con superdescontos. Ademais, con todas as compras realizadas nestes días nos negocios participantes sortearanse 300 € en vales de compra: serán seis premios de 50 € só por subir os tíckets á App ViveiroCCH.
A asociación anima a toda a clientela a achegarse ao Centro Histórico de Viveiro esta fin de semana, pasear polas súas rúas, desfrutar da ampla variedade comercial con descontos fantásticos e, de paso, gozar da hostalaría local e da gastronomía da vila. Para facelo aínda máis apetitoso, os días 27 e 28 celebrarase a “Ruta da Croqueta” en oito locais participantes.
As tapas terán un prezo de 3,5 €, e no caso do Muro Restaurante e Tortilla Maravilla tamén se servirán racións. Ademais, haberá máis premios: sortearanse 300 € entre quen complete todas as tapas, e 150 € no caso de que non estean todas probadas. Nos locais participantes haberá unhas tarxetas chamadas CroquePass que se irán selando en cada establecemento; unha vez completas, poderán depositarse en calquera das urnas habilitadas. As tarxetas incompletas tamén entrarán no sorteo, sempre que teñan un mínimo de catro selos.
Toda a información e as bases poden consultarse na web www.viveirocentro.com ou na App ViveiroCCH.
Un final de rebaixas por todo o alto, con superdescontos, boa gastronomía e moitos premios: unha fin de semana para tirar a casa pola ventá
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
