A limpeza das franxas de protección e a retirada de especies prohibidas debe concluír antes desa data para previr incendios forestais
Viveiro, 3 de marzo de 2026. O Concello de Viveiro lembra que as persoas responsables están obrigadas a xestionar a biomasa vexetal existente nas redes secundarias de faixas de xestión de biomasa, así como a retirar as especies arbóreas prohibidas incluídas na normativa vixente. Esta obriga afecta á franxa de 50 metros perimetral ao solo urbano, de núcleo rural e urbanizable, así como á contorna de edificacións e vivendas illadas, urbanizacións, depósitos de lixo, cámpings, gasolineiras, parques, instalacións industriais e construcións illadas situadas a menos de 400 metros do monte.
Entre as especies que deben ser retiradas figuran, a modo de exemplo, piñeiros, eucaliptos, acacias, mimosas, carqueixa, xestas, piornos, fentos, silvas e toxos; de acordo co establecido na Lei 3/2007, de prevención e defensa contra incendios forestais de Galicia.
O Concello subliña que a xestión da biomasa deberá estar concluída antes de rematar o mes de maio de cada ano. A partir desa data, ás persoas que incumpran esta obriga enviaráselles unha comunicación concedendo un prazo máximo de 15 días naturais para executala, ou de tres meses no caso das franxas laterais das vías de comunicación.
En caso de incumprimento, o bando advirte de que se poderá proceder á imposición de multas coercitivas reiteradas cada tres meses, á execución subsidiaria con repercusión dos custes, ao inicio do expediente sancionador correspondente e, nos casos máis graves, á imposición de sancións que poden chegar ata 1.000.000 de euros. Ademais, lémbrase que o incumprimento destas obrigas pode implicar tamén a expropiación forzosa por interese social nos termos previstos pola lei.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
