O sistema permite aparcar ata unha hora gratis nas zonas con maior demanda e busca facilitar o acceso ao comercio e aos servizos do centro urbano
Burela, 6 de marzo de 2026. O Concello de Burela continúa avanzando na reorganización do tráfico e do estacionamento coa consolidación das zonas azuis gratuítas, que permiten estacionar ata un máximo dunha hora nas áreas con maior demanda.
O obxectivo desta medida é favorecer a rotación de vehículos e facilitar a dispoñibilidade de prazas, especialmente nas zonas comerciais e de servizos do centro urbano.
Segundo sinala o goberno municipal, a implantación deste sistema está contribuíndo a mellorar a accesibilidade e a dinamizar a actividade comercial ao facilitar que máis persoas poidan atopar estacionamento para realizar xestións ou compras.
A alcaldesa de Burela, Carmela López, destacou que “ordenar o aparcamento non é unha medida puntual, é unha decisión estrutural que forma parte dun modelo de vila máis organizada e máis cómoda para vivir”.
Segundo explicou, “como todo cambio, require un período de adaptación. Pero pouco a pouco a veciñanza vai coñecendo o funcionamento das zonas azuis e entendendo que o obxectivo é facilitar que haxa movemento, que haxa rotación e que sexa máis doado atopar aparcamento cando se precisa”.
López subliñou que esta actuación non é illada, senón que forma parte dunha estratexia máis ampla: “Seguimos traballando na creación de máis aparcamentos disuasorios e na reorganización do tráfico para facer un uso máis eficiente do espazo público. O solo é limitado, e a nosa responsabilidade é xestionalo con equilibrio”.
A alcaldesa insistiu en que o modelo aposta pola convivencia entre residentes, comercio e visitantes, afirmando que “queremos unha Burela dinámica, con actividade, con servizos e con movemento. Iso tamén implica tomar decisións que melloren a mobilidade a medio e longo prazo”.
Dende o Concello destacan que “continuarán avaliando o funcionamento do sistema e introducindo melloras sempre que sexa necesario, escoitando á veciñanza e aos sectores implicados”.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
