Nota de prensa
A deputada informoulle hoxe da proposición non de lei ao alcalde de Alfoz, Emilio Lousas, co que visitou a zona e comprobou o estado destas estradas
EMMA ÁLVAREZ PRESENTA UNHA INICIATIVA NO PARLAMENTO PARA AXILIZAR O ARRANXO DOS VIAIS DA DEPUTACIÓN DE LUGO CORRESPONDENTES Á CONCENTRACIÓN PARCELARIA VAL DE ALFOZ
* A parlamentaria e mailo alcalde plantexaron á Xunta a necesidade de arranxar estas estradas nunha xuntanza mantida hai uns meses co director xeral de Desenvolvemento da Consellería de Medio Rural
* A proposición non de lei insta á Xunta a tomar como prioritaria a concentración parcelaria Val de Alfoz, co fin de que os prazos legais sexan o máis curtos posible.
Santiago, 18 de decembro de 2010.- A deputada do Grupo Popular Emma Álvarez Chao ven de presentar no Parlamento galego unha iniciativa destinada a que se axilice o arranxo dos viais da Deputación Provincial de Lugo correspondentes á concentración parcelaria Val de Alfoz. A deputada informoulle hoxe da proposición non de lei ao alcalde de Alfoz, Emilio Lousas, co que visitou a zona e comprobou o estado destas estradas.
A iniciativa insta á Xunta a levar a cabo cantas medidas e acordos sexan necesarios para tal fin. Os ditos viais foron mellorados pola Consellería de Medio Rural dentro do Plan de Obras da citada concentración parcelaria.
Con ese obxectivo, a deputada popular plantexa que se aprobe o expediente de cesión e incorporación de titularidade de tramos de vías entre a Deputación Provincial de Lugo e a Consellería de Medio Rural aprobado por unanimidade polo Pleno da Deputación de Lugo o 29 de novembro pasado e se acometan as obras que se lle atribúen en relación ao mendionado acordo, co fin de que estean iniciadas no primeiro trimestre do 2011.
O dito expediente aprobouse co criterio de que por parte da Deputación se cederán os terreos correspondentes a tramos de trazado antigo que resulten substituídos na súa funcionalidade por tramos de novo trazado en variante construídos pola Consellería de Medio Rural e que entregará ao ente provincial, así como os terreos situados nas franxas laterais contiguas á vía provincial no resto dos tramos que manteñen o trazado existente.
XUNTANZA CO DIRECTOR XERAL DE DESENVOLVEMENTO
A deputada e mailo alcalde plantexaron á Xunta a necesidade de arranxar estas estradas nunha xuntanza mantida hai uns meses co director xeral de Desenvolvemento da Consellería de Medio Rural. Nesa xuntanza, puxeron de manifesto o mal estado no que se atopaban as principais vías de comunicación parcelaria.
A proposición non de lei rexistrada por Álvarez Chao insta á Xunta a tomar como prioritaria a concentración parcelaria Val de Alfoz, co fin de que os prazos legais sexan o máis curtos posible. Igualmente, solicita que os técnicos da Consellería de Medio Rural resolvan as alegacións feitas por particulares no primeiro trimestre de 2011
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
