Trabada, 13 de marzo de 2026. O Concello de Trabada vén de recibir por parte de Recursos de Galicia e da Xunta de Galicia o plano definitivo de beneficiarios dos descontos na factura da luz relacionados co parque eólico Mondigo.
Tras recibir o primeiro plano inicial, desde o Concello de Trabada elaborouse e trasladouse unha nova proposta co obxectivo de ampliar o número de núcleos incluídos e evitar que algúns núcleos de poboación quedasen divididos, co fin de que o reparto dos beneficiarios fose o máis equilibrado posible.
Segundo a resposta definitiva recibida no día de onte, algunhas das propostas realizadas polo Concello foron tidas en conta en determinadas zonas do territorio, mentres que noutras non se aplicaron as modificacións solicitadas.
Ante esta situación, desde o Concello de Trabada infórmase de que a partir do próximo luns calquera veciño ou veciña poderá achegarse ás oficinas municipais para consultar tanto o plano definitivo aprobado por Recursos de Galicia e a Xunta de Galicia como a proposta presentada polo propio Concello.
Así mesmo, o goberno municipal lembra que cada veciño e veciña beneficiario recibirá unha carta por parte de Recursos de Galicia comunicando a súa inclusión neste programa de descontos.
Unha vez recibida esa comunicación, desde o Concello poñerase á disposición da veciñanza o persoal técnico municipal e todos os medios necesarios para facilitar a tramitación da solicitude da bonificación na factura eléctrica.
O alcalde de Trabada, Rubén García, sinalou que “desde o Concello seguiremos en contacto permanente con Recursos de Galicia e coa Xunta de Galicia para continuar avaliando posibles ampliacións deste radio de beneficiarios e conseguir que cada vez máis veciños e veciñas do noso concello poidan acceder a estes descontos directos na factura da luz”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
