Nota de prensa
Durante os catro anos de Goberno bipartito non se creou ningunha piscifactoría na Mariña lucense e todas e cantas se fixeron foron durante o mandato do PP
BALSEIRO ASEGURA QUE O ACTUAL GOBERNO DE GALICIA NON PUXO NINGÚN IMPEDIMENTO PARA DESENVOLVER O PROXECTO ACUÍCOLA DE PESCANOVA EN RIBADEO
* Nos pasados anos de bonanza o PSOE mantivo paralizado o Plan Galego de Acuicultura por intereses políticos e agora, en plena crise, para lavar a súa imaxe, reclaman ás empresas que desenvolvan os proxectos pendentes que o bipartito frenou.
* Unha oportunidade perdida: Empresas da Mariña están a xerar emprego e aplicar os seus coñecementos nas piscifactorías de Portugal onde fuxiron os investimentos desta compañía obrigados pola parálise decidida pola Xunta bipartita.
Ribadeo, 18 de decembro de 2010.- O voceiro do Mar do Grupo Parlamentario Popular, Jose Manuel Balsiero Orol, aclarou que non existe ningún impedimento por parte do actual Goberno da Xunta de Galicia para que a granxa de Pescanova na zona de Penedo do Corvo, en Ribadeo, poida levarse adiante e que só a actual situación económica impide a moitas empresas desenvolver os seus proxectos pendentes. “Cando podían investir non se lles deixou por parte da Xunta biparitita, que puxo impedimentos legais e técnicos, e agora que a crise limita a capacidade de acción das empresas veñen reclamando o que eles paralizaron”- concluíu Balseiro.
LAVADO DE IMAXE
O deputado popular acusou á voceira socialista do Mar de faltar á verdade deliberadamente cando atribúe ao actual Goberno algún tipo de obstáculo e sinalou que, o que agora pretenden os socialistas é lavar a súa imaxe “porque o único dato certo é que quen freou realmente estos investimentos foi o bipartito, paralizando durante anos o plan de acuicultura por intereses políticos. Foi o PSOE quen frenou a creación de empregos durante catro anos”.
CATRO ANOS DO BIPARTITO, NINGUNHA PISCIFACTORIA
O deputado popular ofreceu un dato significativo para apoiar as súas teses: durante os catro anos nos que PSOE e BNG tiveron a responsabilidade de Goberno da Xunta non se levou adiante ningún proxecto acuícola na Mariña e todas e cantas piscifactorias se fixeron proceden do impulso que os Gobernos que o PPdeG lle deron á acuicultura.
Pola conta, cando o PP accedeu á responsabilidade de Goberno da Xunta, desbloqueo a situación e publicou o mapa dos novos emprazamentos onde se atopa o de Penedo do Corvo, en Ribadeo.
O voceiro popular explicou que a Xunta actual o único que fixo foi eliminar do Plan Galego de Acuicultura algúns emprazamentos que non eran viables económica, social ou ambientalmente pero entre eles non está o de Ribadeo.
EMPRESAS DA MARIÑA XERAN EMPREGO E RIQUEZA EN PORTUGAL
Balseiro tamén explicou que de non ter palizado o PSOE e máis o BNG desde a anterior Xunta o anterior Plan acuícola, seguramente teríase creado a pranta de Ribadeo e con ela moitos máis empregos dos que dun xeito directo traballarían na empresa Así o indicou o voceiro do Mar popular porque de feito existen compañías da Mariña lucense que están a aplicar o seu “facer saber” nas piscifactorías que Pescanova ten no pais veciño, en Portugal, onde tiveron que fuxir as empresas galegas despois de que o bipartito lles obrigara a buscar outros emprazamentos. Todo este emprego e riqueza que hoxe está en Portugal, “podería terse creado en Ribadeo, pero o PSOE non o permitiu”-concluíu Balseiro.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
