Nota de prensa
O BNG DE FOZ CONTINUA COA CAMPAÑA “FOZ NON SE MERECE ISTO” PARA DENUNCIAR O ABANDONO DO CONCELLO
“As vías públicas están nalgún caso intransitables e nunha situación perigosa” afirma Basanta
Foz, a 18 de decembro de 2010.- O BNG de Foz continuou este sábado coa campaña “Foz non se merece isto”, co fin de denunciar o abandono do Concello por parte do Goberno Municipal e nalgún caso da Xunta de Galicia. Despois do colocar o fin de semana anterior pegatinas polo centro urbano, esta vez o BNG dirixiuse a diferentes lugares da zona portuaria e da zona das praias.
En concreto, as denuncias centráronse nos vertidos de residuos urbanos á Ría de Foz ou ás zonas de costa como na praia de Llas e no porto de Augadoce debido principalmente ao pésimo funcionamento da depuradora municipal. “Non se entende como unha depuradora deseñada para 8.000 persoas non depura nin sequera os residuos de 4.000, provocando unha situación medioambiental inaceptable” acentúa González Basanta. Así mesmo, denunciouse o estado de varias edificacións en estado ruinoso e cun evidente perigo para os viandantes. En concreto, o edificio da vella Cofraría de Pescadores nunha situación de abandono e coas ventás cos cristais completamente rotos a punto de caer ou un edificio en ruínas na Ribeira que está a punto de derrubarse. Tamén se deixou unha pegatina na obra de reforma da Rúa da Ribeira na conexión coa Rúa Nazareno totalmente inacabada e en mal estado. Ao mesmo tempo sinalizouse numerosos destrozos nas vías públicas e nas beirarrúas para advertir da súa perigosidade. Respecto ás competencias de Portos de Galicia, dependente da Xunta de Galiza, advertíuse do mal estado das varandas nas escaleiras así como o deficiente estado dos portalóns da lonxa.
Xa camiño da zona da Rapadoira, o BNG denunciou o estado de varias beirarrúas. Nun caso, como en Trapero Pardo, con material de obra e vallas que interrompen o paso desde hai meses sen explicación. Noutro caso, na Rúa Alfredo Brañas, onde a beirarrúa está destrozada por unhas obras desde hai anos sen que o goberno municipal se preocupase por que se restaurara o seu estado. No paseo marítimo da Rapadoira evidenciouse a falta de limpeza do mesmo e o nulo mantemento en canto a repoñer elementos rotos ou o estado dos contenedores de lixo sen tapa. Unha das situacións máis sangrantes é a do muro do paseo nunha das baixadas á Rapadoira, totalmente destrozado e cuns cables eléctricos ao aire libre por onde pasa corrente cun grave perigo para as persoas e menores que pasean por alí.
Todas estas situacións xa foran denunciadas polo BNG en varias ocasións e por iso a realización desta campaña, unha campaña que está tendo unha gran aceptación na veciñanza porque non se comprende a inanición do goberno diante destas situacións e porque é a única maneira de que o goberno municipal reaccione. Tanto é así, que efectivamente nalgunha das denuncias efectuadas polo BNG hai unha semana o alcalde e o grupo de goberno si actuaron, como por exemplo sucedeu coa caixa eléctrica dun farol na Parque Martinez Otero que finalmente se tapou con cinta adhesiva dado que supoñía un perigo inminente para os nenos e nenas que xogan no parque.
O BNG quere agradecer as felicitación recibidas por esta iniciativa e anima aos veciños e veciñas a seguir colaborando achegándonos aquelas preocupacións, sexan cales sexan, que necesiten dunha solución urxente. O próximo fin de semana o BNG desprazarase a Marzán e ás parroquias.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
