Os populares poñen a Xove como un gran exemplo de como unha industria pode transformar unha comarca, facer que medre economicamente, dar oportunidades ás familias para iniciar un proxecto de vida, “a pesar de que hai formacións políticas empeñadas en poñer paus nas rodas ao avance industrial da provincia”
Lugo, 17 de marzo de 2026. Os deputados do Grupo Provincial Popular continuaron coa súa folla de ruta e seguen a descentralizar as reunións de traballo, nesta ocasión desprazáronse ata Xove, onde mantiveron varias xuntanzas con entidades sociais e o tecido empresarial.
Os deputados populares tamén visitaron unha iniciativa empresarial da comarca, para coñecer de primeira man o seu funcionamento se manter contacto directo cos proxecto que xeran actividade económica e oportunidades no territorio.
O voceiro provincial popular, Antonio Ameijide, explicou que estas visitas forman parte da estratexia de sacar o traballo da capitalidade da provincia e achegarse así a todo o territorio. “Seguimos percorrendo a provincia e descentralizando as nosas xuntanzas porque Lugo ten moitas potencialidades que merecen ser destacadas; queremos poñer en valor todos os nosos recursos e iniciativas que contribúen ao desenvolvemento económico e social da provincia”, destacou.
Ameijide subliñou que para o Partido Popular é fundamental coñecer de primeira man os proxectos que se están a impulsar nos distintos concellos. “Hai moitas persoas e entidades traballando para dinamizar o territorio e xerar oportunidades e cremos que é moi importante escoitar, apoiar e dar visibilidade a esas iniciativas”, sinalou.
Pola súa banda, Demetrio Salgueiro, alcalde de Xove e deputado provincial, destacou especialmente o papel das iniciativas sociais que se están a impulsar no municipio, destacando que “son proxectos moi importantes para a comarca porque contribúen a mellora servizos, a atender necesidades da veciñanza e tamén a fixar poboación no territorio”, explicou.
Salgueiro sinalou que “A Mariña ten moito potencial e é fundamental apoiar tanto os proxectos sociais como as iniciativas empresariais que apostan por desenvolver a súa actividade aquí”.
Con estas visitas, os deputados do Grupo Provincial Popular reafirmaron o seu compromiso de seguir traballando por un modelo de provincia que impulse oportunidades en todo o territorio.
“Lugo é unha provincia chea de oportunidade e dende o Grupo Provincial Popular imos seguir sendo o altavoz de todo o bo que se fai aquí, dende A Montaña ata A Mariña”, concluíu Ameijide.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
