O inmoble municipal está na actualidade cedido ao Club Medela MTB, pero prevese a adecuación dun anexo para facilitar a súa actividade tanto como espazo de almacenaxe como para a realización de adestramentos cando o precisen
Cervo, marzo do 2026. O Concello de Cervo está a executar estes días as obras de integración paisaxística e mellora exterior das Antigas Escolas Públicas da Venta, en Gondrás, co obxectivo de seguir poñendo en valor os espazos municipais como lugares de encontro, convivencia e dinamización social para a veciñanza de cada parroquia.
A alcaldesa, Dolores García Caramés, visitou a obra, en compañía do concelleiro Alfredo Fernández, e do pedáneo da zona, Francisco Pinín, e de Abel Ordás, en representación do Club Medela MTB –que ten cedidas estas instalacións municipais- e destacou que “esta actuación forma parte da aposta continua do Concello por poñer en valor edificios municipais emblemáticos, recuperándoos como espazos de encontro e convivencia para a veciñanza, fortalecendo así a vida social, cultural e comunitaria de cada parroquia”.
Os traballos inclúen o saneamento e reparación integral das fachadas, afectadas por problemas xeneralizados de humidades, así como a reparación de desconchados e danos provocados por antigas instalacións e cableados. Todas as intervencións execútanse con morteiro de cal, respectando os materiais e a tipoloxía orixinal da edificación. Ademais, vaise proceder á demolición dun engadido alleo á construción inicial que xeraba un importante impacto visual.
A actuación complétase cunha renovación total do acabado exterior mediante pintura mineral ao silicato, elixindo cores integradas na paisaxe conforme á Guía de Cor e Materiais de Galicia. De xeito paralelo, tamén se contempla intervir no edificio anexo co obxectivo de dotar de uniformidade estética a todo o conxunto, e destinalo á actividade do Club Medela MTB.
Como se apuntou o edificio está cedido na actualidade a este club de ciclismo local, que destaca polo seu intenso traballo coa base desenvolvendo unha importante labor formativa con nenos e nenas da contorna, promovendo hábitos de vida saudables, o deporte ao aire libre e valores como o esforzo, o compañeirismo e o respecto polo medio natural.
Neste sentido, prevese adecuar unha das estancias do conxunto para que poida seguir sendo utilizada pola entidade tanto para almacenaxe de material como, incluso, para a realización de adestramentos no interior, o que permitirá reforzar a súa actividade ao longo de todo o ano e ofrecer mellores condicións para a formación dos máis novos.
A alcaldesa subliñou que “con este tipo de intervencións mellórase a imaxe das nosas parroquias e créanse espazos máis agradables, integrados na paisaxe e preparados para seguir sendo puntos de referencia para a veciñanza”.
O investimento total da actuación ascendeu a 46.310 euros, unha obra que foi sufragada integramente con fondos propios do Concello de Cervo, reafirmando así o compromiso municipal coa conservación do patrimonio público e coa mellora da calidade de vida da cidadanía.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
