A proba, que vai pola XII edición, terá lugar o venres 3 de abril na praia de Coto
Barreiros, 26 de marzo de 2026. Na tarde de onte tivo lugar a presentación da XII edición da Carreira Popular das Praias, unha cita consolidada no calendario deportivo da Mariña e que volverá a reunir a centos de persoas o vindeiro venres, 3 de abril.
No acto participaron membros da entidade organizadora, a asociación cultural e deportiva Praias de Comado, xunto coa alcaldesa de Barreiros, Ana Ermida, o concelleiro de deportes e deputado provincial, Dani García, e o xefe provincial de Deportes da Xunta, Manuel Otero.
A proba principal contará cun percorrido de 7,5 quilómetros pola area das praias do municipio, con saída e chegada na praia de Coto. Un trazado que combina deporte e paisaxe e que permite ás persoas participantes percorrer boa parte do litoral de Barreiros, un entorno único.
Ademais da carreira absoluta, a xornada inclúe probas para as categorías de menores que teñen a inscrición gratuíta. Tamén existe a posibilidade de participar nunha andaina paralela de 9 quilómetros pensada para gozar igualmente do entorno pero a un ritmo máis tranquilo.
O prazo de inscrición permanecerá aberto ata o 31 de marzo e debe facerse a través da web do circuíto +kmsBarreiros. A día de hoxe, a cita supera xa as 300 persoas inscritas, o que confirma o interese que esperta esta proba edición tras edición.
Esta carreira será, ademais, a segunda proba do circuíto de carreiras populares +kmsBarreiros, unha iniciativa promovida polo Concello de Barreiros para fomentar a práctica deportiva e dinamizar o territorio a través de eventos ao aire libre.
Dende a organización animan tanto á veciñanza como a persoas chegadas doutros puntos a participar nunha xornada que combina deporte, convivencia e posta en valor do entorno natural do municipio.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
