Aprobada a adhesión da Deputación de Lugo ao convenio de colaboración entre a Xunta de Galicia e a FEGAMP para compartir plataformas, recursos e servizos tecnolóxicos entre administracións
Lugo, 27 de marzo de 2026. A Xunta de Goberno da Deputación de Lugo aprobou este venres a licitación de tres novos proxectos cun investimento conxunto de 560.472,31€ para mellorar tres vías provincias ao seu paso polos concellos de Ourol, Ribas de Sil e Friol. Así o avanzou o Deputado de Promoción Económica e Social, Pablo Rivera Capón, tras a reunión da Xunta de Goberno.
Rivera Capón detallou que “destinamos 110.607,69€ á execución das obras de reparación dun treito da LU-P-3807, no municipio de Ourol. Trátase da vía que conecta as parroquias de Bravos e San Pantaleón ao seu paso por Foxo”. Os traballos afectarán a un tramo de algo máis de 3 quilómetros -desde o punto 6,510 ao 9,543- e consistirán na reapertura de cunetas, reparación de danos e repavimentación.
Recordou ademais que esta vía “resultou gravemente afectada polas intensas borrascas que sufrimos este inverno, provocando incluso o derrubamento dunha ponte” e avanzou que a institución provincial está tramitando o arranxo e “está previsto que as obras teñan lugar antes incluso de comezar este proxecto que licitamos hoxe”.
Licitado tamén por 144.762,83€ a reparación dun treito da LU-P-5301, en Ribas de Sil. “Tal e como o anunciou a Presidenta da Deputación fai uns días cando a visitamos xunto co Alcalde, melloraremos un tramo de case 2 quilómetros -do punto 6,200 ao 8,198- desta vía que vertebra o municipio e comunica o núcleo urbano de San Clodio cos distintos miradoiros de montaña ata Alto da Cruz”.
Os traballos consistirán na reapertura de cunetas, na pavimentación con aglomerado en quente e no repintado da vía. Con este novo proxecto, a estrada quedaría acondicionada en practicamente todo o seu trazado, posto que “desde a institución provincial xa melloramos outro treito desta estrada, concretamente o que vai entre os quilómetros 3,1 e 6,2”.
Por último no que ten que ver coa mobilidade da provincia, na reunión deste venres a Deputación deu luz verde á licitación por 305.101,79€ do arranxo dun tramo de case 11 quilómetros de LU-P-2106, en Friol. Trátase dun proxecto co que a estrada, que conecta este municipio co lugar de Lousado polo de Cimadevila, quedará completamente renovada.
As obras consistirán na reapertura de cunetas, na reparación de danos, na repavimentación e na reposición da sinalización vertical. O prazo dos tres proxectos de mellora teñen un prazo de execución de catro meses.
Pablo Rivera fixo especial fincapé en que “o noso compromiso coa mellora da rede viaria provincial non entende de partidos nin de cores políticas, senón que responde a unha prioridade clara: garantir a seguridade dos veciños e veciñas e asegurar as conexións nos 67 municipios da provincia. Para nós, investir en mobilidade é tamén investir en cohesión territorial”.
Adhesión ao convenio entre a Xunta de Galicia e a FEGAMP
Nesta reunión, tamén se aprobou a adhesión da Deputación de Lugo ao convenio de colaboración entre a Xunta de Galicia e a FEGAMP para o uso de ferramentas dixitais. “Así o anunciou a Presidenta da institución provincial esta mesma semana tras manter un encontro co Presidente da FEGAMP. Nese sentido, renovamos esta adhesión ao acordo que pretende compartir plataformas, recursos e servizos tecnolóxicos entre administracións. O obxectivo é achegar a administración á cidadanía, facela máis eficiente, ao tempo que tamén permite que as entidades locais accedan a un catálogo de servizos centralizado”.
Detallou ademais que “algúns dos servizos aos que se poderá ter acceso a través deste convenio son o Chave365, servizos de certificación dixital ou sistemas de tradución automatizada, como o Gaio. Ademais, tamén se inclúen programas especializados en ciberseguridade ou na protección de datos persoais, entre outros”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
