O delegado visitou o Centro Óptico Xove para reafirmar a implantación exitosa deste programa que garante o acceso á saúde visual dos menores de 16 anos con axudas de ata 100 euros do Goberno
Xove, 29 de marzo de 2026. O delegado do Goberno en Galicia, reafirmou en Xove que Galicia é a comunidade con maior taxa de acceso ao Plan Veo, con preto de 600 ópticas adheridas, 67 delas na provincia de Lugo, e máis de 9.500 nenas e nenos beneficiados. Así o explicou durante a súa visita ao Centro Óptico Xove, adherida a este plan impulsado polo Ministerio de Sanidade, onde, acompañado do xerente, Carlos Calvo, subliñou que estes datos “reflicten tanto a necesidade existente como a boa acollida dunha medida pensada para chegar a quen máis o precisa”.
Durante a visita, na que tamén estivo a subdelegada na provincia, Olimpia López, o delegado animou ás familias a aproveitar esta liña de axudas públicas, que permite acceder a ata 100 euros ao ano por menor de 16 anos para a adquisición de lentes ou lentes de contacto. Así, destacou “a importancia de garantir a saúde visual da infancia para fortalecer a igualdade de oportunidades”.
O delegado incidiu tamén no impacto educativo da iniciativa, lembrando que unha parte importante das dificultades escolares pode estar vinculada a problemas de visión non corrixidos. “Non podemos permitir que un neno ou nena teña dificultades para seguir as clases por non dispoñer de lentes”, afirmou.
Ademais, agradeceu a implicación dos profesionais do sector óptico, fundamentais para o desenvolvemento do programa, destacando a colaboración co Consello Xeral de Colexios de Ópticos-Optometristas para achegar a administración á cidadanía e garantir que as axudas cheguen de maneira efectiva ás familias. “Estamos ante unha medida social que mellora a calidade de vida dos nenos e nenas e apoia ás familias galegas”, concluíu.
A solicitude pode realizarse directamente nas ópticas participantes, facilitando así o acceso a este recurso. O programa conta cun orzamento de 48 millóns de euros e estará activo ata o 31 de decembro de 2026.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
