O PSOE nega agora aos traballadores de Sargadelos as axudas de prexubilacións
O pasado venres o Parlamento de Galicia reclamaba, a proposta do PP e de xeito oficial, que o Goberno central outorgara en apoio dos traballadores que foron despedidos en Sargadelos as axudas para a prexubilación que a lexislación estatal contempla. Sete destes oito persoas afectadas cumprirían os requisitos para beneficiarse destas axudas. Malia todo os deputados socialistas quedáronse sós votando en contra desta petición, mostra evidente da súa falta de sensibilidade, compromiso e interese con estes profesionais.
Con todo, o comportamento dos socialistas é aínda máis desleal se temos en conta varios aspectos: Primeiro, que o PSOE está a negar aos traballadores de Sargadelos as mesmas axudas que si teñen outorgado a outras empresas galegas en situacións idénticas. Segundo, que os socialistas están a incumprir dun xeito flagrante o acordo do Pleno municipal de Cervo onde votaron a favor do outorgamento destas axudas estatais, mentres que no Parlamento votan en contra. E, finalmente, no PSOE son incapaces de sumar ás administracións nas que gobernan en apoio dos traballadores deste empresa. Non poden e non queren. Todo iso pese a que a inspección do Ministerio de Traballo, e polo tanto do Executivo socialista, informou favorablemente o ERE polo que estas persoas foron despedidas.
O Goberno central non tivo reparo algún en outorgar as axudas estatais aos traballadores da empresa viguesa Autos Valeo ou da coruñesa UNICEM. Neste último caso ademais prexubilando a persoas que estaban xa no paro, desmentindo así unha das escusas que o PSOE poñía para negarlle as axudas a Sargadelos. Tanto a voceira socialista en Cervo, Lara Méndez, como o voceiro de emprego do Grupo Parlamentario Socialista dixeron en varias ocasións –e así consta nas actas oficiais- que se a Xunta poñía sobre a mesa as axudas, tamén o faría o Estado. Chegaron incluso a adiantar cifras de entre 300.000 e 500.000 euros que agora que se lles reclama deciden vetar.
Os mesmos que fai tempo arremetían contra a Xunta e poñían deberes ao PP, feito que cumprimos co resultado das negociacións impulsadas pola Alcaldía e por este deputado que posibilitaron a achega dun millón de euros en apoio de Sargadelos como garantía do mantemento do seu cadro de persoal, son agora incapaces de asumir un compromiso moito máis doado. Dá igual o que signifique Sargadelos para Galicia, para a Mariña ou para Cervo. E dá igual o que prometeran. O PSOE dá ás costas a toda esta xente, sen importarlles que nas súas mans está a solución.
Hai un dato obxectivo que ofrece unha imaxe moi clara do que aquí está a pasar. Mentres a Xunta puxo as axudas sobre a mesa e o apoio técnico do IGAPE, nin o Goberno central, en mans do PSOE, nin a Deputación provincial, na que goberna o bipartito de socialistas e nacionalistas, teñen investido un só céntimo en apoio dos traballadores de Sargadelos. Uns cumpren e outros non. Pero non teñan dúbida algunha de que os cidadáns tomarán nota.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
