Viveiro, 23 de abril, 2026. O BNG de Viveiro denuncia a grave situación do Centro de Información á Muller (CIM), que actualmente carece de persoal técnico esencial para garantir o seu funcionamento. En concreto, o servizo está sen asesoramento xurídico e sen apoio psicolóxico, dous piares fundamentais para a atención ás usuarias.
Segundo explica a formación nacionalista, esta carencia deixa nunha situación de especial vulnerabilidade ás mulleres de Viveiro e da contorna que precisan acompañamento, orientación ou intervención en casos sensibles, especialmente en situacións de violencia machista.
Praza de avogada sen cubrir
O BNG lembra que a praza de avogada permanece vacante debido a unha ausencia prolongada. Trátase dunha circunstancia que, segundo indican, permitiría a súa cobertura temporal conforme á normativa vixente. Con todo, critican que o Goberno municipal non adoptou ningunha medida para garantir a continuidade do servizo xurídico.
A praza de psicóloga, sen avances
En canto á praza de psicóloga, o Bloque advirte de que, malia estar incluída na oferta de emprego deste ano, poden pasar meses ata a súa cobertura efectiva, o que agrava aínda máis a situación do CIM.
A portavoz municipal, Iria Cotelo, considera que a situación é “absolutamente inaceptable” e afirma que o Goberno local non pode permitir que un servizo esencial quede “na práctica, sen capacidade de resposta”.
Cotelo sinala que existen ferramentas legais para cubrir temporalmente a praza de avogada e critica que non se estea actuando. No caso da praza de psicoloxía, lamenta que nin sequera se iniciase o proceso selectivo. “É unha falta de responsabilidade evidente”, afirma.
Reclamacións ao Goberno local
O BNG de Viveiro insta ao Executivo municipal a actuar con urxencia e demanda:
– A cobertura inmediata e temporal da praza de avogada, para restituír o asesoramento xurídico.
– A convocatoria urxente da praza de psicóloga, co obxectivo de garantir o apoio psicolóxico ás usuarias.
A formación nacionalista reafirma o seu compromiso coa igualdade e coa defensa de servizos públicos de calidade, e insiste na necesidade de recuperar canto antes o funcionamento pleno do CIM.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
