A directora xeral de Mobilidade da Xunta visitou a estación en outubro do 2024 e en xullo do 2025 comprometeuse “a trasladar enseguida unha resposta ao problema”
Vilalba, 23 de abril de 2026. A Estación de Autobuses de Vilalba, propiedade da Xunta de Galicia, está nun estado de abandono que a alcaldesa, Marta Rouco, vén denunciando desde xaneiro de 2024, solicitando sen éxito unha intervención por parte do goberno galego.
Onte mesmo, Marta Rouco remitiulle unha nova carta á directora xeral de Mobilidade da Xunta, Judit Fontela, na que fai repaso do acontecido desde xaneiro de 2024 e lle reitera “a solicitude dun novo contacto con vostede, de xeito presencial preferiblemente e á maior brevidade posible, pola urxente necesidade de actuar sobre a infraestrutura”.
Na carta, a alcaldesa de Vilalba lémbralle que “dende outubro do 2024 envieille varios escritos relacionados coa estación, ademais de varios emails dende xaneiro do 2024 ao respecto de abordar a situación da infraestrutura, en estado de abandono, motivo polo que en outubro do 2024 realizou vostede unha visita á propia instalación, e no mes de xullo do 2025 mantivemos un encontro no que se comprometeu a trasladarme enseguida unha resposta á problemática plantexada”.
Por outra parte, o Consello da Xunta de Galicia aprobou o pasado luns 13 de abril un Plan estratéxico de eficiencia enerxética nas estacións de autobuses da Xunta de Galicia, co obxetivo de actuar en 19 estacións de autobuses de Galicia, sete delas na provincia de Lugo, cun investimento de 7,7 millones de euros.
“Sen ter ningunha dúbida das necesidades das infraestruturas referidas, a Estación de Autobuses de Vilalba, hoxe e dende hai tempo en estado de absoluto abandono, podería ter sido incluída no dito proxecto, dadas as actuacións que este contempla e que, alomenos, algunhas delas serían adecuadas á nosa infraestrutura”, engade Marta Rouco.
A alcaldesa confía “nunha pronta e satisfactoria resposta” por parte da Xunta para darlle solución a un problema grave que preocupa a toda a veciñanza de Vilalba.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
