Viveiro, 23 de abril, 2026. O Grupo Municipal Socialista de Viveiro valora de maneira positiva o anuncio do actual goberno local sobre a recuperación dos obradoiros de emprego, unha iniciativa que consideran “moi beneficiosa para a formación, a inserción laboral e o desenvolvemento local”.
Desde o PSOE sinalan que “sempre defendemos este tipo de programas e intentamos impulsalos durante os nosos mandatos, polo que nos alegramos de que finalmente se poidan levar a cabo en Viveiro”.
Denegacións en anos anteriores
Os socialistas consideran necesario aclarar o contexto das solicitudes realizadas en etapas previas. Explican que, durante os seus mandatos, os obradoiros foron solicitados “en varias ocasións”, pero aseguran que foron “sistematicamente denegados pola Xunta de Galicia”.
Segundo indican, en moitos casos “non existían criterios claros e producíanse cambios constantes nas condicións”, especialmente no relativo ás instalacións. “Transmitíusenos que non cumpríamos cos requisitos de homologación, o que obrigaba a afrontar procesos complexos e custosos para adaptar espazos municipais”.
Limitacións técnicas e administrativas
Outro dos factores que, segundo o PSOE, dificultou a concesión foi a imposibilidade de que Viveiro fose considerado ‘concello emprendedor’, unha categoría que outorgaba máis puntuación. “Naquel momento non podiamos selo por ter un plan de axuste, o que impedía cumprir as esixencias das bases”, explican.
Como exemplo, lembran que se propuxo un obradoiro de cociña empregando instalacións como o albergue de Area, que non foi autorizado, e tamén se valorou a escola de Galdo, que tampouco foi considerada válida.
Do mesmo xeito, apuntan que se solicitou un obradoiro de xardinería en colaboración con Alfoz e O Valadouro, seguindo indicacións da propia Xunta, pero foi igualmente denegado. “Eses concellos si obtiveron o obradoiro ao ano seguinte”, engaden.
Diferencias no financiamento
O PSOE subliña tamén que as condicións de financiamento eran distintas, xa que “non existía unha subvención ao 100%”, o que obrigaba ao Concello a asumir parte do custo e dificultaba a viabilidade dos proxectos.
A voceira socialista, María Loureiro, lembra que en varias ocasións se deixou de presentar solicitude porque “xa se nos trasladaba previamente desde a parte técnica que sería rexeitada, o que supuña unha perda de tempo e de recursos municipais”.
Mensaxe á veciñanza
Por todo isto, o Grupo Socialista quere trasladar unha mensaxe clara: “É unha boa noticia que haxa obradoiros en Viveiro e contan co noso apoio, pero tamén é importante que a veciñanza saiba que, cando gobernaba o PSOE, non era por falta de interese, senón porque a Xunta de Galicia non os concedía”.
Finalmente, conclúen que, ao seu xuízo, “queda patente que houbo decisións que non se aplicaron con igualdade e que a Xunta foi máis restritiva con Viveiro no pasado que na actualidade”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
