O voceiro popular cuestiona que a presidenta da Deputación “presuma desta decisión”, xa que a realidade é que “non ten máis remedio que dar cumprimento á sentenza do Supremo”
Lugo, 24 de abril de 2026. A presidenta da Deputación de Lugo, Carmela López, “non tivo máis remedio que dar o brazo a torcer” e así acatar a sentenza do Tribunal Supremo que declaraba nulos a compra dunha acción de Tragsa por parte da Deputación de Lugo e as posteriores encomendas de xestión á devandita empresa pública, o que “supoñía readmitir na Deputación aos traballadores que botaron a Tragsa e que nunca deberon de saír da entidade provincial”.
O voceiro popular, Antonio Ameijide, afirma que “estamos ante un éxito” dos propios traballadores, así como dos diferentes Grupos Provinciais do PP que levaron esa decisión do goberno de PSOE e BNG ante a xustiza. “Tivemos que chegar ata o Tribunal Supremo na defensa dos traballadores e dos seus dereitos, pero o esforzo e o tempo tiveron a súa recompensa e hoxe sabemos que a partir do 1 de xaneiro volverán á Deputación, de onde nunca deberon de saír. Un éxito máis que iniciou Elena Candia”, afirmou.
Antonio Ameijide explica que PSOE e BNG “non tiña outra opción que acatar a sentenza do Tribunal Supremo”, unha situación totalmente contraria á de hai dous meses, cando no pleno extraordinario celebrado a petición do PP “se negaron a votar a favor da moción que defendemos que supoñía acatar a sentenza e, por conseguinte, readmitir aos 16 traballadores”.
“O certo é que é un gran día para a Deputación porque se tiran por terra as ilegalidades cometidas por PSOE e BNG na compra da acción de Tragsa e as posteriores encomendas de xestión a esta empresa pública, así como se pon fin á tremenda inxustiza cometida cos traballadores que enviaron a Tragsa”, sinalou.
CRONOLOXÍA
En decembro de 2019, o goberno da Deputación de Lugo, baixo a presidencia de José Tomé, decidiu comprar unha acción de Tragsa “cunha clara intención política” de extinguir Suplusa e levar por diante á maior parte dos traballadores desa empresa pública dependente da Deputación de Lugo.
A través da compra desta acción o que fixeron PSOE e BNG foi saltar a Lei de Contratos e adxudicar de forma directa traballos de ámbito provincial a Tragsa “sen pasar por un procedemento ordinario de contratación ou sen pasar pola pública concorrencia, unha decisión de calado que se adoptou de forma unilateral por parte do presidente da Deputación, sen consultar co pleno”.
Esta decisión unilateral de adquirir unha acción de Tragsa e a encomenda de xestión sen pasar polo pleno son dous exemplos de como saltarse a lei, polo que desde o Grupo Provincial Popular acudiuse ao tribunal contencioso-administrativo de Lugo, que o 31 de marzo de 2022 “deunos a razón, declarando nulos a adquisición e o encargo como medio propio a Tragsa, ao declarar ilegais as decisións do presidente da Deputación e o seu equipo de goberno de PSOE e BNG”.
Tras esta sentenza, dende o goberno da Deputación, con recursos ilimitados, acudiron ao Tribunal Superior de Xustiza de Galicia, que admitiu a súa apelación, o que motivou que o Grupo Provincial Popular, co esforzo que supón por contar con moitos menos recursos, elevase o caso ao Tribunal Supremo.
“O primeiro éxito” que se acadou foi que o Tribunal Supremo actuase, é dicir, que tivera interese casacional para determinar se a integración na organización provincial, como medio propio personificado, dunha sociedade de capital preexistente mediante a adquisición de parte do seu capital social constitúe unha manifestación da potestade de organización provincial, e, en caso afirmativo require un pronunciamento do Pleno da Deputación.
A sentenza do Tribunal Supremo “puxo de manifesto a actitude ditatorial permanente do PSOE e do BNG, a prepotencia e a soberbia na que están instalados, o afán constante de saltarse a lei e vulnerar o ordenamento xurídico e saltar directamente a democracia ao vulnerar as competencias do pleno, obviar aos representantes dos cidadáns, consideran as administracións o seu cortijo particular onde pretenden facer e desfacer sen control e sen respecto á lei nin aos representantes dos cidadáns”.
O Tribunal Supremo, na súa sentenza 48/2026 do 22 de xaneiro deste ano e ante a cal non cabe recurso, estima totalmente as pretensións formuladas polo Grupo Provincial Popular, declarando nulas as accións levadas a cabo por PSOE e BNG dende o goberno da Deputación de Lugo, “por tanto declarando ilegais as decisións adoptadas por estes dous partidos e as súas posteriores consecuencias”.
Ameijide recorda que a sentenza do Tribunal Supremo “reforza o papel do Partido Popular como garante da legalidade”, tras un proceso moi longo iniciado con Elena Candia como portavoz, continuado por Javier Castiñeira e cuxos froitos chegaron en 2026.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
