O alcalde de Ortigueira, Valentín Calvín, subliña este fito como “vital para la economía local”, pois os areais son un dos principais atractivos do municipio
Ortigueira, 5 de maio de 2026. O Concello de Ortigueira logrou recuperar o distintivo de Bandeira Azul para os seus dous areais principais, Morouzos e A Concha. Con esta resolución, a Asociación de Educación Ambiental e do Consumidor (ADEAC) volve situar a costa ortegá no mapa da excelencia turística e medioambiental, devolvendo uns galardóns que o municipio non obtía de forma conxunta desde hai case unha década.
A recuperación destes distintivos pon fin a un período de ausencia que comezou en 2018, ano no que o Concello quedou sen ningunha bandeira. No caso da praia de Morouzos, o areal perdera o recoñecemento precisamente nese 2018 tras telo mantido o ano anterior. Pola súa banda, a praia da Concha volve contar con este selo de calidade que non ostentaba desde 2016, ao perdelo na convocatoria de 2017.
A obtención das bandeiras é o resultado dun rigoroso expediente de candidatura coordinado directamente pola oficina técnica de Medio Ambiente. Este traballo contou coa colaboración transversal das áreas de Turismo e dos responsables dos servizos de limpeza e seguridade. Para cumprir coas estritas esixencias da ADEAC, a comisión organizadora integrou de maneira activa o Grupo de Emerxencias Supramunicipal (GES) e a Policía Local, que supervisaron os protocolos de vixilancia e salvamento necesarios para garantir a seguridade das persoas usuarias.
O alcalde de Ortigueira, Valentín Calvín, amosou a súa satisfacción por un logro que considera “vital para la economía local”. O rexedor subliña que este recoñecemento “es un paso estratégico, ya que las playas constituyen uno de los mayores atractivos para los visitantes que recibe nuestra localidad cada temporada”.
Segundo explica Valentín Calvín, recuperar estas bandeiras era “un objetivo prioritario para el gobierno municipal” desde o inicio da lexislatura. O alcalde sinala que este éxito pertence “a todo el equipo técnico y a los departamentos implicados”, cuxo traballo conxunto permitiu elevar de novo os estándares dos servizos municipais. Así mesmo, Calvín destaca que contar con estes selos de calidade reforza a imaxe de Ortigueira como un destino sostible e seguro, o que repercutirá positivamente no sector hostaleiro e comercial da zona.
O rexedor lembra que “mantener estos distintivos exigirá un compromiso constante” durante todo o verán para asegurar que o estado das augas, a xestión dos residuos e a atención á cidadanía sigan cumprindo cos niveis de excelencia agora recuperados; ao tempo que afirma que “seguiremos trabajando para que estos distintivos lleguen a más arenales”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
