O senador mariñán, José Manuel Balseiro, presentou a iniciativa xunto á alcaldesa de Cervo, Dolores García, e o alcalde de Xove, Demetrio Salgueiro
San Cibrao (Cervo), 6 de maio de 2026. O senador mariñán, José Manuel Balseiro, presentou á entrada da fábrica de Alcoa unha iniciativa rexistrada no Senado xunto aos compañeiros do PP por Lugo José Manuel Barreiro e Juan Serrano “para esixir ao Goberno de España a autorización inmediata dos parques eólicos vinculados á planta de Alcoa en San Ciprián, fundamentais para garantir o futuro da única fábrica de aluminio primario en activo no país”, ademais dun material estratéxico para a industria, a transición enerxética e a autonomía produtiva.
O senador popular estivo acompañado pola alcaldesa de Cervo, Dolores García, e o alcalde de Xove, Demetrio Salgueiro, que coincidiron en esixir ao Goberno de Sánchez “axilidade” e ao PSOE “cumprir as súas promesas”, despois de máis de dous anos cos permisos dos parques eólicos caducados.
Balseiro lembra que “o propio Goberno viuse obrigado a recoñecer que o Ministerio deixou caducar en 2023 os permisos de acceso á rede destes proxectos ao emitir fóra de prazo as declaracións ambientais de 5 parques (Borrasca, Ventisca, Levante, Boura e Monzón), nunha mostra evidente de falta de xestión e de compromiso cunha industria clave para Galicia e España”, incidiu.
O PP cuestiona tamén que, malia que o Ministerio anunciou como unha solución o Real Decreto-lei 8/2023, o Executivo segue anos despois sen resolver a situación, incumprindo ademais o memorando de entendemento asinado no que a Administración estatal se comprometía “a axilizar estas autorizacións”.
Así mesmo, os populares denuncian “as reiteradas promesas incumpridas” e sinalan directamente ao secretario xeral do PSOE en Galicia, José Ramón Gómez Besteiro, quen trasladou ao comité de empresa “solucións que nunca chegaron”, xerando falsas expectativas entre os traballadores.
“Estamos ante unha cadea de enganos e incumprimentos dos socialistas que pon en risco miles de empregos e o futuro industrial da Mariña lucense. Non é aceptable que o Goberno siga bloqueando solucións mentres a comarca vive na incerteza”, sinala José Manuel Balseiro.
E todo isto nun período “especialmente sensible” xa que o bloqueo persiste logo de rematar o proceso de rearranque das cubas da planta, cando resulta máis imprescindible garantir o subministro estable, a seguridade xurídica, axilidade administrativa e o cumprimento efectivo dos compromisos adquiridos, así como prezos da enerxía competitivos nun contexto de elevada volatilidade dos mercados”.
Dolores García afea que “aínda teñamos que seguir esperando, dende a promesa de Besteiro no 2023, polas autorizacións para os parques eólicos que permitirían ofrecer un prezo eléctrico competitivo para que a fábrica siga”.
Demetrio Salgueiro considera “incomprensible” e “unha falta de respecto aos cidadáns” que “despois de tanto tempo de promesas” por parte do PSOE -que anunciara nunha reunión co comité de empresa en decembro do 2023 o desbloqueo dos parques eólicos-, “a día de hoxe, sigan bloqueados”.
O rexedor xovense incide en que “dispoñer de enerxía a un prezo competitivo é imprescindible para que Alcoa poida seguir producindo aluminio” porque, “sen un prezo competitivo da enerxía, a fábrica pode pasar problemas”. Polo que urxe que “o Goberno autorice os parques eólicos” especialmente “porque os deixou caducar por irresponsabilidade do seu propio Executivo”.
Salgueiro subliñou que “non é a primeira vez que Besteiro incumpre o que promete aos mariñáns” toda vez que “o fixo coa autorización dos parques eólicos importantes para Alcoa e o fixo tamén coa autovía A-74. Prometeu tamén no 2023, reunido con alcaldes e representantes socialistas, que esta autovía fundamental para a comarca estaría en obras no 2024 e a día de hoxe tamén seguimos sen ningún avance nesta infraestrutura”.
O PP reclama feitos inmediatos e advirte de que “Galicia non pode seguir sendo prexudicada pola inacción dun Goberno -o que preside o socialista Pedro Sánchez- que chegou tarde, actuou mal e segue sen dar respostas”.
MESA DE SEGUIMENTO
A moción inclúe tamén a esixencia de convocar de inmediato a mesa de seguimento do plan de viabilidade, que segue sen reunirse e cuxa convocatoria tamén reclama o Comité de empresa. Para o PP, esta parálise “non responde a cuestións técnicas, senón á evidencia de que o Goberno non ten nada que ofrecer, nin que cumprir respecto dos compromisos adquiridos”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
