O prazo de inscrición abre o xoves 14 de maio
Lugo, 14 de maio de 2026. A Vicepresidencia da Deputación impulsa unha nova edición da proba de condución deportiva Volante Deputación, que se celebrará os días 30 e 31 de maio no circuíto da Pastoriza.
O vicepresidente Efrén Castro e o responsable de PTC Escuela presentaron esta mañá unha iniciativa que ofrece ás persoas pilotos noveis da provincia a oportunidade de formarse e iniciarse na competición automobilística.
O Volante Deputación mantén o formato habitual: unha parte formativa cun curso de condución e outra competitiva, cunha proba cronometrada da que sairá a persoa gañadora. O premio consiste en participar de forma gratuíta no Rally San Froilán 2026 como piloto titular dentro da estrutura do equipo PTC.
Efrén Castro destacou que “esta proba, que foi pioneira, chega ás quince edicións cun éxito constante de participación e consolidada como unha auténtica canteira do automobilismo en Lugo”. Subliñou ademais que moitos pilotos que pasaron polo Volante Deputación continúan competindo en rallys, “o que demostra o interese e o aproveitamento desta experiencia”.
O Volante Deputación forma parte da rede de apoio da Vicepresidencia ao deporte do motor, que inclúe tamén unha convocatoria anual de axudas para pilotos de rally —dotada con 45.000 euros— e o patrocinio de probas dos campionatos galegos e estatais.
Inscricións: do 14 ao 28 de maio
O prazo de inscrición abrirase o xoves 14 de maio ás 9:30 horas e pechará o xoves 28 de maio ás 12:00 horas. Os formularios estarán dispoñibles na web de PTC Escuela e deberán enviarse ao correo piloto@ptcescuela.com. As 160 prazas cubriranse por orde de recepción da documentación completa (solicitude, DNI e certificado de empadroamento).
Requisitos de participación
As persoas aspirantes deberán cumprir:
– Ter entre 18 e 35 anos na data da selección (30 e 31 de maio).
– Estar empadroadas na provincia de Lugo antes do 14 de maio.
– Non ter quedado entre os 5 primeiros postos de trofeos, copas ou campionatos nacionais ou rexionais (agás karting, slalom e autocross) nos últimos 5 anos.
– Non ter quedado entre os 5 primeiros da xeral en probas nacionais ou rexionais (agás karting, slalom e autocross) nos últimos 5 anos.
– Non ter gañado ningunha edición do Volante Deputación nin outras seleccións de pilotos desde 2012.
– Ter permiso de conducir cando sexa necesario para a formación e competición.
– Cumprir os requisitos da Federación Galega de Automobilismo para obter a licenza de piloto no Rally San Froilán 2026.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
