Lugo, 13 de maio, 2026. A Federación de ANPAS de Centros Públicos de Ensino de Lugo (FAPACEL) manifesta o seu apoio firme á comunidade educativa do CEIP Vista Alegre, que leva semanas mobilizándose cada xoves ante unha situación que consideran de abandono institucional e que non admite máis demoras.
O edificio, con máis de 40 anos de antigüidade, presenta deficiencias graves: humidades persistentes con posibles afectacións estruturais, baños obsoletos e con avarías recorrentes, fiestras e persianas deterioradas, carpintería danada, problemas na instalación eléctrica e ausencia de espazos cubertos para o lecer do alumnado.
A esta realidade súmase un aspecto especialmente preocupante: o centro non é accesible. Non garante a igualdade de acceso para todo o alumnado, nin en situacións de mobilidade reducida nin temporal, o que supón un incumprimento inaceptable.
FAPACEL considera este problema como propio. Non se trata de incidencias puntuais nin de mantemento menor, senón dunha situación estrutural que require unha intervención integral e urxente. As actuacións illadas realizadas ata o momento non solucionan o deterioro e só o prolongan no tempo. Ademais, esta situación forma parte dun contexto máis amplo no que numerosos centros educativos presentan problemas similares que tamén precisan atención inmediata por parte da administración.
Por todo isto, a Federación esixe:
– Unha avaliación técnica completa e inmediata do edificio.
– Un proxecto de rehabilitación integral do CEIP Vista Alegre.
– A eliminación efectiva de todas as barreiras arquitectónicas.
– A inclusión prioritaria do centro nos plans de investimento da administración educativa.
Non se trata de melloras opcionais, senón de garantir dereitos básicos: que o alumnado poida estudar nun centro seguro, digno e accesible.
FAPACEL anuncia que continuará apoiando as mobilizacións ata que existan compromisos reais, con prazos e investimentos concretos. O CEIP Vista Alegre non pode agardar máis.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
O Concello informa de este mércores producirase un corte no subministro de auga en varias parroquias con motivo das obras de abastecemento que se están a realizar en Landrove. As zonas afectadas serán as parroquias de Chavín, San Pedro, Valcarría, Landrove, Galdo e Magazos ata Ruanova. O corte está previsto entre as 9.00 e as 15.00 horas aproximadamente, polo que se recomenda á veciñanza que tome as medidas oportunas durante esa franxa horaria. Desde o Concello pídeselle comprensión á cidadanía polas molestias que esta incidencia poida ocasionar e lémbrase que se trata dunha afección puntual derivada dunha actuación necesaria para a mellora da rede de abastecemento.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A iniciativa, organizada polos concellos de Navia, Coaña e Villayón xunto coa asociación AISPA, reuniu máis de 70 persoas. Explicáronse requisitos, prazos e novidades dun proceso cuxo prazo remata o 30 de xuño. Os tres municipios detectaron a necesidade de ofrecer información e apoio á poboación migrante para facilitar a súa regularización e acceso ao emprego, especialmente nun momento no que sectores como os coidados, a construción e o metal precisan man de obra. Os concellos valoran a alta participación e lembran que para dúbidas adicionais está dispoñible o teléfono 655 608 610.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
