Navia, 13 de maio de 2026. O Concello de Navia presentará este venres, 15 de maio, coincidindo co Día Internacional das Familias, o novo Programa de Benestar Emocional “EBEN”. Este proxecto xorde como resposta directa ás demandas do Consello Municipal de Infancia e Adolescencia, que solicitaron este apoio de maneira reiterada durante dous anos consecutivos.
O programa “EBEN”, nome elixido polos propios mozos e mozas, está deseñado para ofrecer un espazo seguro de acompañamento e asesoramento emocional. Contará cunha psicóloga profesional especializada para axudar á adolescencia a xestionar situacións como a ansiedade, a presión académica ou a autoestima.
Unha das características principais desta iniciativa é que se financia integramente con recursos municipais a través da partida do Plan de Infancia, sen depender de subvencións externas nin de fondos europeos. Ademais, a súa posta en marcha realizarase en estreita coordinación coas familias e cos centros educativos para garantir todas as autorizacións necesarias ao tratarse de menores.
No mesmo acto, o Concello presentará tamén o programa de Soidade non Desexada. Esta estratexia de actuación comunitaria busca previr o illamento social e promover a saúde relacional mediante actividades individuais, grupais e interxeracionais que fomenten o enriquecemento persoal e o apoio mutuo.
O evento terá lugar no Espazo Cultural El Liceo o vindeiro venres, 15 de maio de 2026, ás 11:30 horas.
Con estas iniciativas, Navia reafirma o seu compromiso coas boas prácticas en políticas de infancia e co benestar social das familias do concello.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
