Burela, 14 de maio, 2026. O salón de actos da Confraría de Pescadores de Burela acolleu este xoves as XXXIII Xornadas Técnicas de Expomar, que foron inauguradas pola conselleira do Mar da Xunta de Galicia, Marta Villaverde. Na apertura estivo acompañada polo director general de Pesca Sostenible do Ministerio de Agricultura, Pesca y Alimentación, Ramón de la Figuera, e pola presidenta da Fundación Expomar e alcaldesa de Burela, Carmela López.
Tres mesas de debate ao longo da mañá
Durante a sesión matinal celebráronse tres mesas de debate, moderadas pola xornalista Lucía Rodríguez, nas que se abordaron cuestións clave para o presente e o futuro da pesca.
Xestión pesqueira
Interviron Javier Garat (Cepesca e Europeche), Torcuato Teixeira (Federación Nacional de Cofradías) e Ramón de la Figuera (MAPA), achegando as visións do sector e da administración.
Futuro, relevo xeracional e formación
Participaron Francisco González (EONP Gijón e ex-director general de Pesca de Asturias), Ángeles Vázquez (Xunta de Galicia) e Manuel Pablos López (MAPA), que analizaron os desafíos para atraer e formar novas xeracións no sector.
Sostibilidade, socioeconomía e consumo
A mesa contou coa presenza dos catedráticos da USC María Bastida e Gumersindo Feijóo, xunto coa nutricionista Adriana Fernández, que abordaron o impacto social, económico e alimentario da actividade pesqueira.
Tarde centrada na seguridade laboral e no debate político
A sesión de tarde comezou cunha presentación sobre a Comisión Nacional de Seguridad y Salud en el Trabajo, realizada pola directora general de Marina Mercante, Ana Núñez.
As Xornadas Técnicas 2026 concluíron cun debate político sobre a pesca no Parlamento español, no que participaron tres parlamentarios galegos:
Rosa Quintana (PP)
Patricia Otero (PSdeG-PSOE)
Néstor Rego (BNG)
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
