Lugo, 15 de maio de 2026. A Xunta de Goberno da Deputación de Lugo aprobou este venres un conxunto de actuacións que mobilizan preto de 1,3 millóns de euros destinados á mellora de infraestruturas viarias, servizos públicos e equipamentos municipais en diferentes concellos da provincia. Así o informou a Voceira Socialista do Goberno, Pilar García Porto, tras a reunión semanal que tivo lugar pola mañá no Pazo de San Marcos. “Seguimos avanzando cun compromiso firme na mellora da mobilidade na provincia e na cooperación cos concellos, especialmente reforzando os investimentos nas zonas rurais, co fin de ofrecer os mesmos servizos e oportunidades que en calquera outro punto da provincia”.
En canto a mobilidade, a Deputación destinará arredor de case 700.000 euros á mellora de tres estradas provinciais nos concellos de Guitiriz, Castro de Rei e Viveiro. No caso de Guitiriz quedou licitada unha actuación para renovar un tramo de máis de catro quilómetros da LU-P-2207, do quilómetro 7 ao 11, que comunica as parroquias de Coea e Buriz, cun investimento de arredor de 251.000 euros e un prazo de execución de tres meses.
“Trátase dunha vía estratéxica para a mobilidade rural do norte no concello de Guitiriz, moi empregada pola veciñanza para acceder a servizos básicos, conectando estas parroquias coa estrada autonómica LU-170”, explicou García Porto. A actuación contempla a reapertura de cunetas, e a pavimentación con aglomerado en quente e ten un orzamento de 251.000€.
No concello de Castro de Rei, tamén se licitaron uns traballos para mellorar preto de catro quilómetros da LU-P-1112, que comunica Muimenta e Pacios, “polo que actúa como un eixo vertebrador das conexións entre distintos núcleos”. O proxecto, cun orzamento de case 300.000€ e un prazo de execución de catro meses, inclúe a limpeza de cunetas para mellorar a evacuación das augas, o acondicionamento do firme con aglomerado en quente e o pintado da sinalización horizontal.
Na comarca da Mariña, quedaron licitadas as obras en Viveiro para mellorar case a práctica totalidade da LU-P-6612, que é o tramo que é o tramo de vía que dá acceso ao porto de celeiro, desde a autonómica lu-862 ata a Confraría de Pescadores.
As obras consistirán na renovación completa do firme mediante o fresado do pavimento existente, limpeza de cunetas e a drenaxe para evitar problemas de asolagamentos con choivas. Tamén se pavimentará con aglomerado en quente e renovará a sinalización horizontal e vertical da vía.
“Esta actuación terá un impacto directo tanto para a seguridade do tránsito como para a eficiencia das operacións loxísticas vinculadas ao porto de Celeiro, un dos máis importantes en actividade pesqueira da provincia e de toda Galicia”. Ademais, esta zona dá acceso a servizos municipais como a piscina municipal ou espazos de gran afluencia como o recinto no que se celebra o Resurrection Fest. O orzamento deste proxecto será de preto de 140.000€ e prevé un prazo de execución dos traballos de catro meses.
Recordou a Deputada que a institución provincial investiu xa case 600 mil euros ao concello de Viveiro para humanizar e renovar os servizos na Rúa do Porto de Celeiro, no cruce da LU-P-6612 coa vía Lavandeira e o principal acceso á fachada marítima celeirense.
Colaboracións con Guitiriz e Ribas de Sil
A Xunta de Goberno da Deputación aprobou novos convenios de colaboración cos concellos de Guitiriz e Ribas de Sil, cun investimento conxunto superior aos 400.000 euros destinado á mellora de espazos públicos, infraestruturas e servizos municipais.
No caso de Guitiriz, o acordo ascende a case 252.000 euros e inclúe tres actuacións principais: a renovación e ampliación do parque infantil da Praza do Campo da Feira en Lagostelle, a mellora do acceso ao núcleo de Saa e a renovación da sinalización viaria no centro urbano, ademais de actuacións complementarias na rede de saneamento e abastecemento.
En Ribas de Sil, a institución provincial achegará 100.000 euros e o Concello case 56.000 euros para a realización de nove actuacións. Entre elas destacan a mellora do firme de acceso a Figueirido, na parroquia de Piñeira; a renovación do alumeado público na Rúa Antonio Pedrosa-Pumares, en San Clodio; a construción de pasos peonís elevados e melloras nas beirarrúas; a ampliación da rede de abastecemento en Barreiro; e a instalación de luminarias solares na Fraga e no paseo fluvial de San Clodio.
O convenio tamén contempla a adquisición de mobiliario para eventos culturais e festivos, novo equipamento para o Servizo de Axuda no Fogar e a organización de actividades culturais, deportivas e festivas durante o verán, entre elas a IV Festa do Viño e a Festa da Xuventude.
“En resumo, son un conxunto de actuacións que supoñen un importante impulso para o desenvolvemento social e económica, combinando melloras en infraestruturas básicas, eficiencia enerxética, servizos sociais e dinamización cultural”, valorou a Voceira Socialista do Goberno.
Adxudicada a compra dunha autoformigoneira para Negueira de Muñiz
A Xunta de Goberno adxudicou tamén a contratación, por un importe de 153.065€, unha autoformigoneira para o Concello de Negueira de Muñiz. “Este equipamento permitirá ao municipio producir, mesturar, transportar e descargar formigón directamente, o que supón unha mellora importante na execución e mantemento das obras municipais”. Na comarca da Fonsagrada quedaron sen fábrica de formigón e levar este material de lonxe é complicado e caro, por iso esta colaboración é tan importante, porque permitirá que un concello pequeno poida aforrar custes e gañar eficiencia.
Nese sentido, a licitación permitirá a Negueira de Muñiz adquirir un vehículo “versátil e de moita utilidade nun municipio rural, pouco poboado, pero cunha extensa rede de infraestruturas que manter”. Concretamente, unha autoformigoneira autocargable de 3,5 metros cúbicos de capacidade de amasado.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
