A proposta saiu adiante no pleno extraordinario celebrado hoxe despois dun proceso de negociación coa representación sindical
Burela, 21 de maio de 2026. O Concello de Burela aprobou inicialmente esta mañá a nova Relación de Postos de Traballo (RPT), un documento organizativo que o municipio levaba intentando sacar adiante dende o ano 2007.
A proposta aprobada recolle un expediente completo que inclúe o organigrama administrativo, as fichas descritivas dos postos, a valoración dos postos de traballo, o cadro resultante da RPT, o manual de valoración e o plan de promoción interna.
A alcaldesa de Burela, Carmela López, definiu a xornada como “un día histórico para o Concello de Burela” e destacou a importancia do paso dado tras case dúas décadas de intentos.
“Hoxe non só aprobamos unha RPT, senón que poñemos fin a case 20 anos de espera. Ordenamos a casa por dentro para que Burela funcione mellor por fóra; sendo esta unha conquista do persoal municipal, dos representantes sindicais, do equipo técnico e de todas as persoas que contribuíron durante este tempo a sacar adiante un documento imprescindible para o correcto funcionamento do Concello”, afirmou a rexedora.
Nesta liña, a alcaldesa destacou que a proposta foi construída a través do diálogo e da negociación coa representación sindical, acadando apoio unánime na Mesa Xeral de Negociación nas diferentes fases da súa tramitación.
Dende o goberno local insisten en que a Relación de Postos de Traballo responde a criterios técnicos, coa análise individualizada de cada posto segundo as súas funcións, responsabilidades, requisitos e características específicas e consideran que esta aprobación inicial supón un avance importante para seguir modernizando a administración local, mellorar a organización interna e adaptar a estrutura municipal ás necesidades actuais do Concello.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
