As persoas participantes poderán colaborar en actividades como Cervo Concilia, Noites Alternativas, a Biblioteca, a Maruxaina ou a representación teatral da Queimada –estas dúas últimas como novidade nesta edición-
Cervo, 22 de maio do 2026. O Concello de Cervo vén de abrir unha nova edición do programa xuvenil “Cervo a carón do voluntariado X”, unha iniciativa dirixida á mocidade de entre 16 e 30 anos coa que se pretende promover a participación activa da xuventude na vida social e cultural do municipio durante os meses de verán.
A décima edición deste programa supón xa unha cifra especial e consolídase como unha aposta importante do Concello de Cervo por fomentar o voluntariado e a implicación da mocidade nas diferentes iniciativas municipais.
A alcaldesa, Dolores García Caramés, visitou o IES Marqués de Sargadelos para presentarlle o proxecto ao alumnado de 4º da ESO e 1º de Bacharelato, animándoos a formar parte dunha experiencia “moi enriquecedora tanto a nivel persoal como social”.
Durante o encontro, a rexedora destacou os aspectos positivos deste programa de voluntariado, subliñando que “é unha oportunidade para seguir conectados con iniciativas municipais coas que moitos deles xa medraron”, facendo referencia, entre outros, ao programa Cervo Concilia, no que moitos dos mozos e mozas que hoxe son alumnos do instituto xa desfrutaron durante as súas vacacións cando eran máis pequenos.
Neste senso, García Caramés puxo en valor que agora sexan eles quen poidan colaborar activamente coas novas xeracións, implicándose en actividades destinadas ás crianzas e contribuíndo ao bo desenvolvemento das propostas municipais de verán.
As persoas voluntarias participarán en diferentes iniciativas organizadas polo Concello e en colaboración con outras asociacions, especialmente vinculadas ao apoio en programas infantís, actividades culturais e propostas de ocio alternativo. Entre as actividades nas que poderán colaborar figuran Cervo Concilia, as Noites Alternativas, a Biblioteca Municipal e, como novidade este ano, tamén diferentes iniciativas vinculadas á Maruxaina e á representación teatral da Queimada.
O proxecto de Acción Voluntaria prolongarase durante todo o verán, de xeito que cada voluntario ou voluntaria colaborará nas iniciativas propostas un máximo de 60 xornadas e 6 horas en cada unha.
As persoas interesadas poden obter máis información e formalizar a súa inscrición na Casa da Cultura.
O acto contou coa presenza do alcalde, Carlos López López, e de representantes institucionais de ABANCA e Afundación. A mostra, que poderá visitarse na Casa da Cultura ata o 3 de xullo en horario de 14.00 a 20.00 h, forma parte do proxecto «Corrente cultural», co que Afundación impulsa a difusión artística por toda Galicia. A exposición reúne corenta fotografías procedentes dos arquivos da Axencia EFE que retratan a emigración española e galega ao longo do século pasado, ofrecendo unha mirada humana e documental sobre a historia de millóns de persoas que tiveron que abandonar o seu país para sobrevivir.
Participarán mozos e mozas intérpretes de ata 18 anos e agrupacións con integrantes de ata 25, procedentes dos municipios do Eixo Atlántico. A programación inclúe concertos didácticos, actuacións abertas ao público e as probas do certame, que se desenvolverán no Auditorio Municipal, na Praza da Constitución e no Conservatorio Profesional de Música. A alcaldesa, Marta Rouco, destacou o impacto cultural e dinamizador do evento para Vilalba. O domingo celebrarase a final e a entrega de premios, aberta ao público.
Durante a visita déronlle un ramo de flores e felicitárona en nome de toda a veciñanza nesta data tan especial. Un xesto co que o Concello quixo recoñecer e poñer en valor ás persoas maiores de Burela, que forman unha parte fundamental da comunidade.
A actividade estivo guiada por Susana Vázquez Fernández, coach de saúde emocional e facilitadora en procesos de duelo e perda, quen impartiu unha charla sobre a xestión do ánimo. Foi un encontro pensado para aprender a relaxarse, fomentar o pensamento positivo e coidar a saúde emocional. A iniciativa contou co apoio e colaboración da Asociación de Xubilados Terramar.
Nesta edición interpretará obras de Haydn e Chopin, ademais de presentar composicións propias nun programa íntimo e especial que xa se converteu nun encontro imprescindible cada ano. Ao rematar, ofrecerase un brinde e aperitivo para todos os asistentes. As entradas están á venda e pódense reservar no teléfono 644 69 42 80.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
As actividades desenvolvéronse durante esta fin de semana na capela e a área recreativa do alto da Grela, que acolleron os actos litúrxicos e a romaría respectivamente, con animación musical, verbena e un espectáculo infantil entre outras propostas.
