A alcaldesa solicitou este servizo á Policía Nacional en Lugo co obxectivo de achegar á veciñanza un trámite habitual e evitar desprazamentos a outros municipios
Burela, 22 de maio de 2026. O Concello de Burela poñerá en marcha a partir do mes de setembro un novo servizo para facilitar á veciñanza a expedición e renovación do Documento Nacional de Identidade sen necesidade de desprazarse a outros municipios.
A alcaldesa de Burela, Carmela López, solicitou este servizo á Policía Nacional en Lugo co obxectivo de achegar esta tramitación á veciñanza e facilitar especialmente o acceso das persoas maiores, familias e persoas con máis dificultades para desprazarse.
A visita ao Concello do comisario xefe do Corpo Nacional de Policía en Lugo, Luis Miguel Romera Pérez, e do subinspector da Policía Nacional de Lugo, José Luis Mourín González, serviu para avanzar na organización e posta en marcha deste servizo en Burela.
O servizo prestarase a través do equipo móbil da Policía Nacional e estará situado na Praza do Concello. A previsión é que as primeiras citas poidan realizarse no mes de setembro.
A atención realizarase un día ao mes, cunha capacidade aproximada de 30 persoas por xornada.
Carmela López destacou que “este é un servizo moi útil para Burela, porque evita desprazamentos innecesarios e achega á veciñanza unha tramitación básica. Trátase de facilitar o día a día e de facer máis accesibles os servizos públicos”.
A alcaldesa agradeceu a disposición da Policía Nacional e dos seus representantes en Lugo para avanzar na posta en marcha deste servizo en Burela. “Cando un trámite se pode facer máis preto, con máis comodidade e aforrando desprazamentos, estamos mellorando a vida da veciñanza. Esa é a liña na que queremos seguir traballando desde o Concello”, sinalou.
As persoas interesadas xa poden solicitar cita previa a través do correo electrónico dni@burela.org ou chamando ao Concello de Burela no teléfono 982 58 60 00. Para formalizar a cita será necesario facilitar nome e apelidos, número de DNI e teléfono de contacto.
Desde o Concello lémbrase tamén que o DNI pode renovarse ata seis meses antes da súa data de caducidade, polo que se recomenda á veciñanza revisar a validez do seu documento.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
