Mondoñedo, 27 de maio, 2026. Os días 27 e 28 de xuño, Mondoñedo acollerá o IV Encontro Álvaro Cunqueiro, curso de verán da USC que se desenvolverá no Pazo de Santomé. O evento conta coa colaboración doutras institucións como o Concello de Mondoñedo, a Casa Museo Álvaro Cunqueiro e a Sociedade Interuniversitaria de Filosofía de Galicia.
Esta cuarta edición, que leva como subtítulo “Camiño ao norde” —en referencia a unha obra do propio Cunqueiro—, xirará arredor das xeografías cunqueirianas. Durante esa fin de semana, Mondoñedo reunirá un destacado grupo de especialistas na vida e na obra do escritor, baixo a coordinación de Armando Requeixo, director do curso, acompañado polos secretarios Abel Vigo e Laura Caamaño.
O programa, centrado nos espazos bioliterarios, abordará a relación de Cunqueiro con Mondoñedo, A Mariña, Lugo, Santiago de Compostela e o Camiño, a Bretaña ou Vigo. Entre os relatores figuran Isabel Morán, Carlos Nuevo Cal, Martín Fernández Vizoso, Carmen Blanco, Claudio Rodríguez Fer, Lois Celeiro, Xosé Antonio López Silva, Javier Gómez Vázquez, Laura Paz Fentanes e María Xosé Porteiro.
O Encontro incluirá tamén a presentación do libro O Quixote na obra de Álvaro Cunqueiro, do profesor Anxo González Fernández, publicado expresamente para este curso de verán da USC. Na presentación participarán, ademais do autor, os profesores e membros da SIFA Marcelino Agís Villaverde, Javier Barcia, Rocío Carolo e Alba Iglesias.
As persoas asistentes poderán gozar tamén dun roteiro cunqueiriano por Mondoñedo, guiado por Abel Vigo, arqueólogo municipal, quen percorrerá as rúas da cidade para descubrir os espazos históricos que Cunqueiro recreou na súa obra.
Fóra do programa académico, tanto o alumnado matriculado como o público en xeral poderá asistir ao concerto do cantautor Francisco Castro, que terá lugar o sábado 27, de 22:30 a 23:30 horas.
As inscricións para participar no IV Encontro Álvaro Cunqueiro. Camiño ao norde están abertas ata o 12 de xuño no seguinte enlace da USC:
https://www.usc.gal/gl/servizos/area/cultura/extension/universidade-veran/encontro-alvaro-cunqueiro-camino-norde-4a-edicion-15231
Mondoñedo recibirá os días 27 e 28 de xuño todas as persoas interesadas en afondar non só nas xeografías literarias de Cunqueiro, senón tamén nos vínculos bioliterarios que conectan a figura do mindoniense con outros autores e territorios creativos.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
