Viveiro, 27 de maio, 2026. O Concello de Viveiro e o PSOE local coinciden en salientar a importancia da colaboración institucional para facer realidade a remodelación da Praza de Abastos, un proxecto estratéxico para o municipio que avanza grazas ao compromiso da Deputación de Lugo.
A voceira socialista, María Loureiro, anunciou que a Deputación aprobará na súa Xunta de Goberno unha achega de 248.000 euros destinada a completar o financiamento da actuación. Esta contribución súmase aos 320.000 euros achegados pola Xunta de Galicia a través da liña de axudas para mercados e aos 200.000 euros solicitados ao GALP, que están pendentes de resolución. En total, o investimento previsto ascende a 768.000 euros.
Loureiro lembrou que o Grupo Socialista xa advertira no último pleno municipal da vontade da Deputación de colaborar, desmentindo así o relato difundido polo goberno local nas redes sociais. Subliñou que, mesmo desde a oposición, o PSOE continúa traballando para atraer investimentos a Viveiro, porque “o importante é a veciñanza e que o concello siga avanzando”.
A voceira socialista destacou tamén a responsabilidade institucional da presidenta da Deputación, quen —afirmou— mantén unha actitude colaboradora con Viveiro independentemente da cor política do goberno municipal. Comparou esta disposición coa da Xunta en anos anteriores, asegurando que non percibiu a mesma implicación cando a actual alcaldesa ocupaba cargos territoriais no goberno autonómico.
Pola súa banda, o Concello de Viveiro expresou o seu agradecemento á Presidencia da Deputación polo apoio mostrado, valorando moi positivamente unha achega que permite completar o financiamento dun proxecto prioritario para a vila. O goberno local puxo en valor o traballo da alcaldesa, Mariña Gueimunde, quen mantivo varias reunións coa Vicepresidencia e a Presidencia da Deputación para trasladar a importancia desta actuación.
O Concello subliña que a colaboración entre administracións é esencial para impulsar proxectos desta envergadura, que contribúen a mellorar servizos, reforzar a actividade económica e revitalizar espazos clave para a vida social e comercial de Viveiro.
Tanto o PSOE como o goberno municipal coinciden en que esta achega extraordinaria se suma ao apoio continuado da Deputación, que xa destina arredor de 600.000 euros anuais ao municipio a través do Plan Deputación, ademais de convenios para eventos e actividades locais.
Finalmente, o PSOE de Viveiro reafirma o seu compromiso de seguir traballando polo municipio desde a oposición, mentres que o Concello manifesta a súa vontade de continuar impulsando proxectos estratéxicos que respondan ás necesidades da veciñanza e contribúan ao avance de Viveiro.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
