A lexislatura está rematada. Non porque o diga a oposición, nin porque o diga un faladoiro, nin porque o diga unha enquisa. Está rematada porque perdeu o elemento esencial que permite gobernar unha democracia: a credibilidade.
En política pódese sobrevivir a unha mala semana, a unha votación perdida, a un erro de cálculo ou mesmo a unha crise de goberno. O que non se pode sobrevivir eternamente é á perda de autoridade. E hoxe a Administración Sánchez ten un problema máis fondo que a aritmética parlamentaria: ten un problema de confianza. Xa non se trata só de cantos deputados apoian ou deixan de apoiar unha lei. Trátase de que o Congreso dos Deputados entrou nunha especie de coma político, nun KO técnico no que nada avanza con normalidade, todo se negocia ao límite e calquera votación se converte nun mercado persa de supervivencia.
Un Estado serio non pode funcionar así. Non pode vivir instalado no xoves permanente da intriga parlamentaria. Non pode converter cada decreto, cada transposición europea, cada lei necesaria, nunha poxa de última hora. Porque mentres o Goberno aguanta, a Administración atasca; mentres a Moncloa calcula, os cidadáns esperan; mentres os partidos fan teatro, as leis quedan paradas.
E non falamos de cuestións menores. España ten enriba da mesa decenas de normas europeas pendentes. Segundo os datos recollidos pola Oficina do Parlamento Europeo en España, en 2026 seguían en tramitación 52 iniciativas lexislativas vinculadas a Europa, 23 delas para traspoñer directivas ou adaptarse a regulamentos europeos. Ademais, España acumulaba 101 directivas pendentes de transposición, 50 delas xa fóra de prazo, con expedientes de infracción susceptibles de sanción. Non é unha anécdota burocrática. É unha radiografía dun Estado que chega tarde.
Aí está, por exemplo, a transposición do novo sistema europeo de comercio de emisións, o chamado ETS2, imprescindible para desbloquear fondos do Plan Social para o Clima, con arredor de 9.000 millóns de euros en axudas para mobilidade limpa, vivenda e eficiencia enerxética. Unha norma con impacto directo sobre fogares, autónomos, pemes e medio rural continúa atrapada na lóxica do bloqueo parlamentario. Europa abre a porta; España non atopa a chave.
Aí está tamén a transposición da Directiva NIS2 de ciberseguridade, clave para protexer sectores críticos, administracións públicas, transporte, enerxía, saúde, infraestruturas dixitais e empresas estratéxicas. Nun tempo no que un ciberataque pode paralizar hospitais, concellos, portos ou redes industriais, España segue chegando tarde ao seu propio escudo dixital.
Aí está a reforma do Código Penal para sancionar o incumprimento das medidas restritivas da Unión Europea, necesaria para perseguir a quen burla sancións comunitarias. Aí está a lei de intercambio de información entre servizos de seguridade e aduanas dos Estados membros, fundamental para a cooperación policial europea. Aí están a Lei de Familias, a Lei de Industria e Autonomía Estratéxica, a compatibilidade da pensión de xubilación co traballo, ou proxectos que levan meses e meses vivindo na estación intermedia das emendas, das prórrogas e da parálise.
Isto é o KO técnico do Congreso: cando a Cámara segue aberta, pero xa non produce confianza; cando hai sesións, pero non hai dirección; cando hai maiorías ocasionais, pero non hai proxecto de país. E cando iso pasa, o democrático non é agarrarse ao sillón con cinta americana. O democrático é devolverlle a palabra á xente.
Porque non facer nada tamén é facer política. Aguantar a calquera prezo tamén ten consecuencias. E unha delas é evidente: alimentar a Abascal e á súa corte. Cando a política útil desaparece, medra a política do berro. Cando as institucións parecen un atasco, gaña quen promete dinamitalas. Cando a cidadanía ve un Congreso bloqueado, unha Administración sen credibilidade e un Goberno dedicado a sobrevivir, o populismo atopa o seu mellor fertilizante.
Por iso o lóxico é convocar eleccións. Non por capricho, nin por interese partidario, senón por hixiene democrática. Que fale a xente. Que decida a quen cre, a quen lle entrega a confianza e quen debe pilotar unha nova etapa. Porque España non precisa máis teatro de resistencia. Precisa goberno, dirección, estabilidade e credibilidade.
E sen credibilidade, non hai lexislatura. Hai prórroga. E as prórrogas, en política, cando se alongan demasiado, acaban sempre en derrota.
Juan Carlos Piñeiro Docampo
Sº Xeral de CxG
Consello do Partido Demócrata Europeo
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
