Xove, 30 de maio de 2026. O Grupo Municipal Socialista de Xove levará ao Pleno ordinario do vindeiro luns, 1 de xuño, os principais problemas e proxectos pendentes do municipio, cunha batería de preguntas sobre a traída da auga, a falta de vivenda, o Portiño de Morás, o mantemento de servizos municipais e a nova licitación do Servizo de Axuda no Fogar.
As e os socialistas explican que unha das súas principais preocupacións segue a ser a rede de abastecemento de auga. Lembran que Xove arrastra dende hai anos problemas recorrentes coa traída, con episodios de turbidez, restricións no verán, instalacións obsoletas e falta de investimentos suficientes para garantir un servizo “en condicións dignas do século XXI”.
Neste sentido, preguntarán que avances reais existen na mellora da rede e que previsións ten o PP para evitar novos problemas de escaseza coa chegada das altas temperaturas. “Non podemos agardar a ter o problema enriba para actuar. A auga é un servizo básico e Xove precisa planificación, investimentos e previsión, non improvisación”, sinalan.
Outro dos asuntos que levarán ao Pleno será a situación da vivenda no municipio. A formación preguntará polo estado do proxecto da urbanización de vivendas acaroadas fronte ao colexio de Xove, unha actuación da que “se leva falando dende hai anos” e que podería contribuír a paliar parcialmente o déficit existente. Con todo, consideran que “non pode presentarse como unha solución definitiva”, senón como “un parche” diante dun problema máis amplo. Por iso, reclamarán ao executivo de Salgueiro un Plan municipal de vivenda que permita abordar esta situación con medidas máis amplas e sostidas no tempo.
O Grupo Municipal Socialista tamén pedirá explicacións sobre o proxecto de mellora do Portiño de Morás e a instalación dun pantalán, unha actuación que cualifican como “un proxecto estrela que leva dúas décadas acumulando anuncios”. Neste punto, preguntarán cal é o orzamento anunciado pola Xunta de Galicia para 2026 e se existe algún avance real na súa tramitación.
No ámbito do mantemento municipal, o PSdeG trasladará a situación dalgunhas tapas de alcantarillado na contorna da urbanización do Palmeiro e preguntará polo funcionamento das áreas para caravanas de Xove e Esteiro, que, segundo denuncian, “están abertas sen ningún control”.
En materia de atención social, preguntará pola nova licitación do Servizo de Axuda no Fogar, xa que o contrato actual remata no mes de decembro. As e os socialistas defenden que “servizos deste calibre deberían ser públicos” e avanzan que vixiarán as condicións da licitación para garantir a calidade da atención, os dereitos das persoas usuarias e as condicións laborais das traballadoras.
“O SAF non é un contrato máis. Estamos falando do coidado de persoas maiores, dependentes ou con dificultades de mobilidade, e iso require responsabilidade, control público e máxima sensibilidade”, conclúen.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
