Ribadeo, 12 de xuño de 2026. O Concello de Ribadeo continúa coa promoción da programación organizada arredor do Día do Orgullo LGTBIQ+ e anima á veciñanza e ás persoas visitantes a participar na gran celebración prevista para o próximo 21 de xuño.
A xornada desenvolverase a partir das 13:00 horas no Quiosco do Parque San Francisco cunha sesión vermú que combinará música, cor, convivencia e reivindicación da diversidade. O acto central será o concerto de Eris Mackenzie, unha das voces emerxentes máis destacadas da nova escena musical galega.
Eris Mackenzie ofrece unha proposta innovadora na que fusiona a electrónica contemporánea con elementos da música tradicional galega, creando unha sonoridade única que o converteu nun dos nomes con maior proxección dentro do panorama musical galego actual. O seu traballo combina raíces e modernidade, explorando emocións e experiencias persoais a través dunha linguaxe musical propia.
A actuación en Ribadeo permitirá ao público descubrir un artista que está a recibir unha excelente acollida tanto pola crítica como polos festivais e programacións culturais de toda Galicia.
Xunto ao concerto celebrarase tamén a Festa Holi, unha actividade pensada para encher de cor e alegría esta xornada festiva e reivindicativa. Ademais, durante o evento darase a coñecer a persoa gañadora da campaña Completa a Bandeira do Orgullo, desenvolvida nas últimas semanas coa colaboración do tecido comercial local.
Desde o Concello de Ribadeo anímase á cidadanía a participar nesta celebración aberta a todas as persoas, nun ambiente de respecto, igualdade e convivencia, reafirmando o compromiso do municipio coa diversidade e cos dereitos das persoas LGTBIQ+. En caso de condicións meteorolóxicas adversas, o concerto e as actividades previstas trasladaranse ao Auditorio Municipal Hernán Naval.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
