Foz, 13 de xuño, 2026. O voceiro municipal do BNG de Foz, Francisco Xavier Fanego, defendeu o voto favorable da formación aos orzamentos municipais de 2026, que cualificou como “un exercicio de responsabilidade política para evitar que Foz continuase outro ano máis con contas prorrogadas”. Subliñou que non son os orzamentos que faría o BNG nin comparten plenamente as prioridades do documento, pero consideraron que o peor escenario sería manter a prórroga e a improvisación constante.
Fanego lembrou que o BNG leva máis dun ano reclamando novos orzamentos e advertiu de que estes chegan tarde e condicionados, aínda que necesarios para que o Concello poida funcionar con normalidade. Lamentou tamén que o goberno local non recoñeza o papel negociador do BNG, asegurando que a súa postura responde ao interese xeral e non ao cálculo electoral.
O portavoz explicou que o apoio do BNG non implica adhesión ao modelo de xestión do goberno, e destacou as melloras que intentaron incorporar: máis axudas ás entidades sociais, reforzo das subvencións deportivas, investimentos vinculados ao deporte municipal, creación da figura do técnico de deportes, apoio á protectora de animais e melloras en servizos básicos como a recollida de lixo. Valorou positivamente o incremento das subvencións deportivas ata 75.000 euros, os 12.000 euros de investimento para o Clube Kayak e os 10.000 euros destinados á protectora de animais.
O BNG agradeceu o traballo dos servizos técnicos municipais —Intervención, Tesourería e demais departamentos— pola información facilitada e pola seguridade xurídica que achegan ao proceso. Fanego insistiu en que a crítica do BNG é política, non técnica.
Con todo, advertiu de que o voto favorable “non é un cheque en branco”. Lembrou que o informe de Intervención inclúe advertencias sobre o atraso na aprobación, o condicionamento polo Plan Económico-Financeiro, a necesidade de prudencia no gasto, cuestións de persoal, investimentos pouco concretados e falta de consignación no capítulo 8. Mostrou tamén reservas sobre o destino do canon da nova concesionaria da auga, que consideran que debería dedicarse a investimentos no ciclo da auga e non a gasto corrente.
Fanego respondeu ás críticas do PP, ás que cualificou de contraditorias, ao pedir máis gasto en múltiples áreas mentres cuestionan a previsión de ingresos. “Non se pode pedir máis de todo e negar ao mesmo tempo a base económica para financialo”, afirmou.
O BNG recoñece que a capacidade investidora é limitada, pero defende que optaron por unha posición útil: negociar melloras e permitir que o Concello saia da prórroga. Fanego insistiu en que serán esixentes coa execución orzamentaria e advertiu de que non permitirán que se repitan atrasos nos pagos a empresas e profesionais que traballan para o Concello.
Finalmente, reivindicou o papel do BNG como forza responsable e útil para Foz: “Votamos a favor porque Foz precisa orzamento e porque o interese xeral debe estar por riba do cálculo partidista. Seguiremos fiscalizando e defendendo que os recursos municipais se empreguen con rigor, equilibrio e planificación”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
