A cita, con acampada e entrada de balde, celebrarase o vindeiro 18 de xullo na parroquia ourelá de Bravos, cun cartel que estará formado pola Banda da Balbina, Sabela, Vimbio, Pandereiteiros do Inferno e Tumba e Dálle
Lugo, 13 de xuño de 2026. O Deputado de Recursos Sostibles, Francisco Cajoto Caserío, xunto ao Alcalde de Ourol, José Luis Pajón Camba, e membros da Asociación Cultural Aturuxeiros, participou este sábado pola mañá no atrio da igrexa de Bravos na presentación da décimo cuarta edición do Festival Aturuxo de Bravos. O evento, que se celebrará o vindeiro 18 de xullo nesta parroquia ourealá, reunirá a artistas consagrados do panorama musical galego co apoio da Deputación de Lugo.
Francisco Cajoto felicitou á organización por consolidar unha cita que definiu como un importante revulsivo económico e un referente cultural na Mariña. “O Aturuxo non é só unha cita musical, senón a demostración de que os grandes proxectos non dependen do tamaño dun lugar, senón da capacidade das persoas para traballar xuntas por un obxectivo común”, sinalou destacando ademais o labor desinteresado e continuado de todas as persoas implicadas en cada edición.
O Deputado lembrou que a institución provincial renova o seu compromiso con esta cita á que achega preto de 21.000€, para financiar distintos aspectos da organización do festival, como a contratación de bandas musicais, a instalación do escenario e do equipamento de son, así como outras necesidades loxísticas, entre elas a colocación de aseos e o alugueiro de carpas. Segundo indicou Cajoto, “trátase dunha colaboración que encaixa perfectamente cos valores nos que cremos, porque para nós apoiar este festival, é apoiar a cultura galega, o asociacionismo, a participación veciñal e o futuro do noso rural”.
Con motivo da presentación do cartel, a organización celebra este sábado pola tarde, ás 19:30 horas, un acto especial no espazo cultural Sacabeira, na contorna de Sargadelos, que servirá tamén para quentar motores de cara ao festival cun concerto do grupo Aló Vai, ademais de sorteos e unha comida popular.
O Festival Aturuxo consolídase así como un espazo de encontro interxeracional que aposta pola música en galego, combinando xéneros como o folk, o rock e outros estilos contemporáneas, e contribuíndo a dinamizar a vida cultural do rural da comarca Mariñá e do conxunto da provincia de Lugo.
Recoñecidos artistas e bandas do panorama galego
O cartel do Festival Aturuxo de Bravos inclúe na súa décimo cuarta edición a actuación de cinco artistas e bandas de renome do panorama galego. Deste xeito, tocarán os grupos da Banda da Balbina, Sabela, Vimbio, Pandereteiros do Inferno e Tumba e Dálle. O festival contará con acampada e entrada de balde, e terá lugar o 18 de xullo na parroquia de Bravos, no Concello de Ourol.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
