Viveiro, 17 de xuño, 2026. O Grupo Municipal Socialista de Viveiro valora positivamente o anuncio da próxima reparación da pasarela do paseo fluvial, unha actuación que consideran necesaria para a veciñanza e para todas as persoas que empregan este espazo. Porén, o PSOE aclara que esta intervención non responde a xestións do actual goberno municipal, senón ao traballo iniciado e impulsado polo anterior executivo socialista.
Segundo lembran, o 15 de febreiro de 2025, sendo alcaldesa María Loureiro, xa se informara publicamente de que o proxecto estaba en fase de licitación por parte de Costas, tras as xestións realizadas polo Concello ante o Goberno de España para garantir a súa execución. Por este motivo, o grupo socialista amosa a súa sorpresa ante o feito de que agora se presente esta actuación como resultado de xestións recentes, cando o procedemento administrativo estaba xa en marcha antes da moción de censura.
O PSOE subliña que os tempos das administracións son longos e que moitas das obras que se anuncian na actualidade corresponden a expedientes iniciados no mandato anterior. Consideran fundamental que as actuacións se executen e dean resposta ás necesidades da cidadanía, pero tamén que se respecte a verdade e se recoñeza o traballo realizado desde o inicio de cada proxecto.
O grupo socialista afirma que continuará defendendo a lealdade institucional e a honestidade política. Aseguran non ter problema en celebrar que os proxectos avancen, mais non permitirán que se reescriba a historia nin que se atribúan méritos que non corresponden. Lembran que a reparación da pasarela do paseo fluvial é o resultado dun proceso iniciado polo anterior goberno socialista e dunha tramitación que agora chega á súa fase final. “As obras pasan, pero os expedientes e a hemeroteca quedan”, conclúen.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
