Cervo, 19 de xuño do 2026. O Concello de Cervo clausurou este venres unha nova edición do programa municipal “Cervo Madruga”, unha iniciativa posta en marcha en colaboración coas ANPAS do CEIP de Cervo e do CEIP Península da Paz co obxectivo de favorecer a conciliación da vida laboral e familiar das familias do municipio nas primeiras horas da mañá.
Con motivo desta última xornada do servizo, o concelleiro, Adrián Arias, achegouse aos dous centros educativos para acompañar ás crianzas participantes e agradecer a implicación tamén das monitoras que fan posible o desenvolvemento desta iniciativa.
Nesta edición participaron un total de 30 nenos e nenas entre os dous colexios, facendo uso dun servizo que ofrece atención ás crianzas antes do inicio da actividade lectiva e que se consolidou como unha ferramenta de gran utilidade para moitas familias cervenses.
Adrián Arias destacou que “Cervo Madruga naceu da man das ANPAS e da súa colaboración co Concello para dar resposta a unha necesidade real das familias do municipio”. Neste sentido, subliñou que “que se trata dun servizo necesario e moi valorado, que contribúe a facilitar a conciliación e a mellorar o día a día de moitos fogares”.
O edil quixo tamén agradecer “o compromiso e o traballo das ANPAS do CEIP de Cervo e do CEIP Península da Paz, así como das monitores porque a súa implicación resulta fundamental para que esta iniciativa se desenvolva con éxito e adaptada ás necesidades de cada centro”.
Desde o Concello de Cervo lembran que o programa volverá poñerse en marcha co inicio do próximo curso escolar, reafirmando así a aposta municipal por impulsar medidas que favorezan a conciliación familiar e laboral e contribúan ao benestar da veciñanza.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
