O Vicedo, 22 de xuño, 2026. O Festival da Lingua Moza celebrará os días 27 e 28 de xuño unha nova edición no Teatro das Cortes, unha iniciativa sociocultural que busca promover a cultura na aldea e achegar o uso da lingua ás crianzas e á mocidade, independentemente de que falen galego, castelán ou ambas linguas.
O evento, organizado con múltiples entidades colaboradoras, ofrece un programa diverso que combina obradoiros, teatro, música, regueifa, actividades creativas e encontros interxeracionais, cun claro obxectivo: fortalecer o vínculo da xente nova coa lingua e co territorio.
Día 27: regueifa, teatro vivo e música
A xornada do sábado comezará ás 11.00 horas cunha presentación e unha mesa redonda sobre lingua e infancia. A continuación, as regueifeiras do Regueifa Tour impartirán un obradoiro para aprender a regueifar en 50 minutos.
O programa inclúe tamén o espectáculo de títeres A filla do cacharulo, dirixido a público infantil, e unha sesión de teatro vivo co roteiro Son D’Aldea, unha experiencia comunitaria que integra o público no propio espazo rural.
Pola tarde haberá actuacións de Autómatas Trécola, unha merenda para a rapazada con produtos de porco celta e o espectáculo ReGueiZeta, protagonizado polas regueifeiras da Semente. A xornada pechará cun concerto de Uxía Senlle xunto a Sergio Tanus.
Día 28: activismo xuvenil, creatividade e festa
O domingo estará centrado na mocidade que revitaliza o idioma. Tras a presentación da xornada xuvenil, celebrarase unha mesa redonda con colectivos como Proxecto Neo, Escola Semente, Ultreia Tempo Libre e clubes de regueifa.
O ilustrador Cristian Caruncho impartirá un obradoiro de sketching e banda deseñada, e pola tarde terá lugar un encontro con Pinto de Herbón e Luís o Caruncho.
O Festival de Talentos Diversos reunirá violinistas, acordeonistas, magos, gaiteir@s e outras propostas artísticas. A festa continuará coa Nova Regueifa do Regueifa Tour, con bases electrónicas, crítica social e humor, e rematará cun concerto de Punk’on Keixo, unha das novas propostas do punk de raíz.
Comida, merendas e participación
As merendas serán gratuítas para a rapazada participante, financiadas polo programa Un gusto de Rural, un Rural degusto da Deputación de Lugo. Para o xantar, o público poderá escoller entre prato do día, bocatas, hamburguesas ou opción vegana, previa reserva por correo electrónico.
O Festival da Lingua Moza consolídase así como unha cita que combina lingua, cultura, ruralidade e participación comunitaria, converténdose nun espazo de encontro para novas xeracións que queren vivir e crear en galego.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
