O Vicedo, 22 de xuño, 2026. “Unha festa para gozar coa lingua!” é o lema do Festival que se celebrará no Teatro das Cortes, no lugar do Xestoso, en Cabanas (O Vicedo), os días 27 e 28 de xuño. Organizan a Asociación Volta e Dalle e mais a Escola Semente de Lugo.
Despois do éxito da primeira edición, este verán o Festival abre as súas portas —con xenerosidade e alegría— ás familias e adolescentes que queiran vivir unha festa diferente, coa infancia e a mocidade como protagonistas. O obxectivo é abrir camiños desde a simpatía, a música, o teatro, a natureza e a sorpresa.
O Teatro das Cortes é unha iniciativa sociocultural da Asociación Cultural Volta e Dálle que busca facer cultura na aldea. Nos últimos tres anos impulsou música, teatro, fotografía e cine nun espazo autoxestionado que xa é un referente cultural da Mariña e que atrae público de toda a provincia.
Programa do Festival
Sábado
11:30 h – Mesa redonda sobre lingua e infancia.
A continuación – Obradoiro “Aprende a regueifar en 50 minutos”, impartido polas regueifeiras adolescentes do Regueifa Tour.
13:30 h – Espectáculo de títeres “A filla do Cachirulo”, con Mirari Urruzola.
17:00 h – O grupo de teatro da Asociación Son D’Aldea (Palas de Rei) presenta A BENVIDA, un roteiro teatral polos arredores do Teatro das Cortes e diferentes espazos da aldea do Xestoso.
Dentro do programa da Deputación de Lugo “Un gusto de rural, un rural de gusto”, a rapazada degustará bocatas de porco celta.
18:30 h – O grupo ReGueiZeta, regueifeiros de 9 e 10 anos da Escola Semente, subirán ao remolque dun tractor Barreiros no prado do Teatro das Cortes para unha festa de improvisación oral.
20:00 h – Os autómatas da compañía Trécola encherán o teatro de curiosidade e sorpresas.
Peche da xornada – Concerto de Uxía Senlle e Sérgio Tannus.
Domingo
O día comeza cunha mesa redonda de adolescentes sobre “Lingua e mocidade”, onde falarán da súa participación en proxectos como Equipas de Dinamización, asociacionismo do tempo libre ou o movemento da Nova Regueifa.
Ao longo da xornada haberá:
Obradoiro de sketching e banda deseñada con Cristian Caruncho.
Encontro regueifeiro con Nuria Penas e Cristian de Burela.
Festival de Talentos Diversos, con violinistas, acordeonistas, gaiteiros e maxia.
O Festival rematará cun concerto que abre o grupo de improvisadoras Regueifa Tour e continúa coa formación de punk-rock de raíz Punk’on Keixo.
ATENCIÓN: reservas para o xantar
Para reservar o xantar do sábado ou do domingo é imprescindible enviar un correo a voltaedalle@gmail.com antes do 24 de xuño ás 00:00 h.
Menú dispoñible:
Racións
Hamburguesas
Bocatas quentes
Opción vegana de Galipizza
O Festival da Lingua Moza conta co apoio da Área de Cultura e Medio Rural da Deputación de Lugo e da empresa Deleite.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
